Hoobiye xalay kusoo dhacay xaafad kamid ah degmadda Warta-Nabada
Jimco, Augusto, 18, 2017 (HOL) –Hoobiye ayaa xalay la sheegay in uu kusoo dhacay
xaafad kamid ah degmadda Warta-Nabadda ee Magaalladda Muqdisho.
Hoobiyaha oo aan la garan halkii laga soo tuuray ayaa waxaa ay ku soo dhacay
xaafada laba-dhagax ee degmadda Warta-Nabadda, sida dadka deegaanka ay
sheegeen.
Saraakiisha Ciidamada ammaanka ayaa warbaahinta u sheegay in madfaca ay ku
dhaawacmeen ilaa afar qof oo shacab ah.
Ciidanka ayaa howlgallo xooggan ka bilaabay xaafadda balse lama ogga cida ay
usoo qabteen weerarka.
Qaar kamid ah degmooyinka Gobolka Banaadir, ayaa waxaa mararka qaar kusoo
dhaca hoobiyaal, kuwaas oo inta badan ay ka dhashaan khasaare dhimasho iyo
dhaawac isugu jira.
Ma jirto cid sheegatay mas’uuliyada hoobiyaha xalay kusoo dhacay degmadaasi.
Dhinaca kale xalay degmadda Warta-Nabadda waxaa xalay lagu dilay Cusmaan
Jaama Diraac, oo kamid ahaa xiriirka kubadda-cagta ee Soomaaliya.
Marxuumka, ayaa la sheegay in la dilay isaga oo kasoo laabtay salaadii
cishaha ee caawa, waxaana lagu dilay xaafadda Xamar Bile ee degmada
Warta-Nabada.
“Allah ha unaxariistee Cusmaan, waxaa uu ahaa "Guddoomiyaha Guddiga
Garsoorayaasha ee Xiriirka Kubadda Cagta ee Soomaaliya". Sidoo kalena
waxaa uu ahaa xubin ka tirsan guddiga fulinta ee xiriirka”, sidaasi waxaa
Hiiraan Online u sheegay mid kamid ah ragga ay isla shaqeyn jireen Marxuumka
geeryooday.
Hiiraan Online,
Hassan Istiila
[email protected]
Mogadishu,Somalia