Sacuudiga oo xuduuda dalkiisa u furaya xujeyda ka imaneysa dalka Qatar
Khamiis, Augusto, 17, 2017 (HOL) – Boqortooyada
Saudi Arabia ayaa sheegtay in fureyso xuduuda dhulka ee ay la wadaagto Qatar si
ay halkaa uga soo gudbaan dadka u dhashay dalkaas ee soo xajinaya.
Sidda lagu daabacay wakaallada wararka u faafisa Boqortooyada xuduuda Salwa ayaa
loo furi doonaa muwaadiniinta Qatar ee
doonaya in ay sanadkan soo gutaan acmaasha xajka.
Boqor Salmaan ayaa balan qaaday inay bixin doonaan qarashaadka ku baxaya
Xujeyda Sanadkan, iyadoo diyaaradaha Sacuudiga loo diri doono Doxa, si ay u soo
qaadaan Xujeyda.
Bishii June dowladdaha Sacuudiga, Masar, Imaaraadka iyo
Baxreyn ayaa sheegay in ay xiriirka u jareen xukuumada Doxa, iyaga oo ku eedeeyay in ay taageerto argagixisada.
Waxaa todobaadyadii ugu danbeeyayba soo baxayay eedeymo loo jeedinayay
Sacuudiga oo la sheegay in uu is hortaagay xujeyda Qatar ka imaaneysa sanadkan
gudanaya waajibaadka Xajka.
C/raxmaan Diini, Hiiraan Online
[email protected]