Arbaco, Augusto, 16, 2017 (HOL) -Allaha u naxariistee waxaa
magaalada San Diego ee gobolka Califonia dalka Maraykanka ku geeryooday habeenimadii xalay wasiirkii hore ee
arimha dibada Soomaaliya xiligii dowladii kacaanka Dr. Cabdiraxmaan Jaamac
Bare.
Geerida Cabdiraxman Jamac Barre ayaa
waxaa idaacada VOA-da u xaqiijiyey wiilka uu adeerka u yahay Diriye
Maxamed Siyad Barre oo hadda ku sugan gobolka Virginia.
Alaha u naxristee marxuumku waxuu ku
dhashay magaalada Luuq ee gobolka Gado 1937dii
Waxuu waxbarasho sare ee heer
jaamacdeed ku Soo dhameeyay Dalka
Talyaaniga horaantii 60kii Jaamacada Padua ee Dalka Talyaaniga
Waxuuna la soo shaqeeyay
xukumadahii ka horeeyay xiligii kacaanka
,waxuuna ka hawlgali jiray wasaarada Arimaha Dibadda oo xilal kala duwan ka soo
qabtay.
Waxaa sanadkii 1970kii loo
magacaabay agaasimaha guud ee wasaarada arimaha dibada ee Soomaaliya, kadibna
july 1977 ayuu noqday wasiirka wasaarada arimaha dibada.
1987kii ayaa loo magaacay Wasiirka
Maaliyada iyo Lacagta xiligaas oo dalka saameeyay dhaqaalo la’aan iyo sacir
barar , isla sanad kadib markii wax laga qabanwaayay dhibaatadii dhaqaale ee dalka
ayaa dib loogu celiyey wasaaradii Arimaha Dibada ilaa dalka uu ka burburay.
Alaha u naxariistee marxuumku waxuu xiligii
dagaalada ku noolaa sanadahii hore dalka Kenya intii danbe ilaa uu ka
geeryoodayna waxuu daganaa dalka maraykanka Magaaladda Sandeigo ee Califonia.
Waxuu ifka uga tagay 15 qof oo isagu
jira waxuu dhalay iyo waxay sii dhaleen.
Siyad Said Salah
[email protected]
Hiiraan.online
Minneapolis, MN