3/28/2024
Today from Hiiraan Online:  _
Wararka Maanta- Talaado, Aug 15, 2017
Madaxweynaha Jubaland oo soo xiray Kalfadhigii 3-aad ee baarlamanka Jubaland (SAWIRRO)


Talaado, Augusto, 15, 2017 (HOL) – Kulanka ay maanta isugu yimaadeen mudaneyaasha baarlamanka Jubaland oo ahaa kalfadhigii 3-aad fadhigiisii  38-aad ayaa waxaa shir gudoominayay Gudoomiyaha baarlamanka Jubaland Mudane Cabdi Max’ed C/raxmaan.

Madaxweynaha Jubaland ayaa mudaneyaasha usoo xiray kalfadhigii 3-aad, waxaa sidoo kale munaasbadda xiritaanka goobjoog ka ahaa Xildhibaan C/raxmaan Max’ed Max’uud Faroole oo katirsan xubnaha aqalka sare ee baarlamanka dalka oo dhawaan soo gaaray magaalada Kismaayo.

Gudoomiyaha baarlamanka Jubaland Mudane Cabdi Max’ed C/raxmaan oo hadal ka jeediyay kulanka ayaa sheegay in fadhiga baarlamanka maanta uu ahaa midkii ugu danbeeyay ee kalfadhigii 3-aad ee baarlamanka, isagoo ka mahadceliyay in ay kala soo qeybgaleen madaxweynaha Jubaland Mudane Ax’ed Max’ed Islaam iyo senator C/raxmaan Max’ed Max’uud Faroole.

Senator C/raxmaan Faroole oo madasha khudbad ka jeediyay ayaa uga mahadceliyay sida loogu sharfay in uu kasoo qeybgalo munaasabadda xiritaanka kalfadhiga baarlamanka Jubaland, isagoo mudaneyaasha kula dardaarmay in ay si hufan ugu shaqeeyaan shacabka ay matalaan.

Ugu danbeyntii waxaa madasha ka hadlay Madaxweynaha Jubaland Mudane Axmed Max’ed Islaam oo ku dheeraaday ahmiyadda ay leedahay dowladnimada iyo sida ay muhiimka u tahay in mudaneyaasha baarlamanku ka shaqeeyaan adkeynta dowladnimada iyo weliba in ay had iyo jeer culeyska saaraan sidii ay cod ugu noqon lahaayeen shacabka ay matalaan.

Madaxweynaha ayaa qudbadiisa sidoo kale uga hadlay arimo la xiriira dacwadaha ku saabsan isqabqabsiga dhulalka, ayadoo madaxweeynuhu sheegay in arintaasi tallaabo cad laga qaadi doono, isagoo sheegay in ciidamo u gaar ah dacwadaha la xiriira dhulalka ay sameyn doonaan.

Madaxweynaha ayaa dhinaca kale soo hadal qaaday Mooshinka laga keenayo madaxda dalka, isagoo xusay in dalka uu haatan ku jiro dib usoo kabasho, islamarkaana aan la gaarin waqti qofka lagu dhaliili karo wax qabad la’aan.
Ugu danbeyntii, waxaa uu sheegay in uu xiranyahay kalfadhigii 3-aad ee baarlamanka dalka.

Mudaneyaasha ayaa geli doona fasax, maadaama lagu jiro xilliga ay umadda Muslimka ahi isu diyaarinayaan soo gudashada waajibaadka xajka.

Xasan Nuur, Hiiraan Online
[email protected]
Kismaayo-Soomaaliya.













Click here
8/15/2017 11:30 AM EST
Talaado, Augusto, 15, 2017 (HOL) – Dowladda Federaalka Soomaaliya ayaa sheegtay in siyaasadeeda gun dhig weyn u tahay soo dhaweynta cid kasta oo ka tanaasusha sida hadalka ay u dhigtay falalka argagixiso.

8/15/2017 9:06 AM EST
Talaado, Augusto, 15, 2017 (HOL) – Mudaharaad lagaga cabanayo diidamada lacagta shilinka Soomaaliga ayaa ka dhacay magaalada Laascaanood xarunta gobolka Sool.

8/15/2017 7:06 AM EST
Talaado, Augusto, 15, 2017 (HOL) – Waxaa goor dhaw magaalada Muqdisho kula hadlay warbaahinta Mukhtaar Rooboow Cali Abuu-Mansuur oo horay u soo noqday ku-xigeenka Amiirka Ururka Al-shabaab, hasse ahaatee sheegay in uu shan sano ka hor isaga tagay Al-shabaab.

8/15/2017 6:25 AM EST
Talaado, Augusto, 15, 2017 (HOL) – Madaxweynaha dowlad gobolleedka Hirshabeelle Cali Cabdullaahi Cosoble oo maalintii shalay la sheegay in kalsoonida lagala noqday ayaa waxba kama jiraan ku tilmaamay go’aankii xildhibaannada.

8/15/2017 5:38 AM EST
Talaado, August, 15, 2017 (HOL)- Kulan ay iskugu yimaadeen shirgudoonka golaha wakiiladda iyo dhinacyaddii is hayey ayaa la isku afgartay in murankii doorashadda golaha Wakiiladda ka dhashay gudahooga ku xaliyaan sida ay maxkamadda sare qaraarka ku soo saartay.

8/15/2017 5:09 AM EST
Talaado, Augusto, 15, 2017 (HOL) – Wararka naga soo gaaraya magaalada Jowhar ayaa sheegaya in goor dhaw uu halkaa kaga dhawaaqay guddoomiyaha baarlmaanka Hirshabeelle Cismaan Barre Maxamed in go’aankii ay kalsoonida kala noqdeen xildhibaannada madaxweyne Cali Cabdullaahi uu ahaa mid sharci ah

8/15/2017 4:59 AM EST
Talaado, Augusto, 15, 2017 (HOL) – Inta la xaqiijinayo saddex ruux ayaa ku dhimtay kaddib weerar goor dhaw lagu qaaday gaari ay la socdeen dad isku qoys ah oo marayay agagaarka Isbitaalka Digfeer degmada Hodan ee magaalada Muqdisho.

8/15/2017 4:38 AM EST
Talaado, Augusto, 15, 2017 (HOL) –Beesha Tanade Daarood ayaa soo gaba-gabaysay shir labadii bilood ee la soo dhaafay uga socday magaalada Garowe , isla markaana ay ku dalbanayeen in loo kordhiyo xubnaha ay hadda ku leeyihiin barlmaaanka Puntland.

8/15/2017 3:10 AM EST
Talaado, Augusto, 15, 2017 (HOL) –Madaxweynaha Dowlad-Gobolleedka Galmudug Mudane Axmed Ducaale Geele Xaaf, ayaa sheegay in ay jiraan ciidamo isku dhaf ah oo sugaya ammaanka magaalladda Galgacyo.

8/15/2017 2:42 AM EST
Talaado, Augusto, 15, 2017 (HOL) –Qaramada Midoobe ayaa sheegtay in koox hubeysan ay weerar kusoo qaadeen xaruuntooda oo ku taalla waqoyga magaalladda Timbuktu ee dalka Mali.

8/15/2017 2:24 AM EST
Talaado, Augusto, 15, 2017 (HOL) –Hoggaamiyaha dalka North Korea, ayaa warbixin ka helay ciidamadiisa taas oo sheegeysa in gantaal lagu tijaabinayo deegaanka Guam.

8/15/2017 2:10 AM EST
Talaado, Augusto, 15, 2017 (HOL) –Wasiirka Arrimaha dastuurka ee Xukuumaadda Federaalka Soomaaliya Mudane Cabdiraxmaan Xoosh Jibriil ayaa xafiiskiisa ku qaabilay Danjiradda Midowga Yurub (EU) u fadhisa Soomaaliya Veronique Lorenzo iyo masuuliyiin kale oo ka socotay Xafiiska EU ee Soomaaliya, Wasiirka waxaa kulanka ku wehliyay Agaasimaha Guud ee Wasaaradda Mudane Maxamed Abuukar Zubeyr.

8/15/2017 1:55 AM EST
Talaado, Augusto, 15, 2017 (HOL) –Wafdi uu hoggaaminayo Wasiirka Wasaaradda Boostada, Isgaarsiinta iyo Tiknolojiyadda Mudane Eng. Cabdi Cashuur Xasan, ayaa maanta gaaray dalka Jabuuti.

8/15/2017 1:44 AM EST
Talaado, Augusto, 15, 2017 (HOL) –Ugu yaraan 300 oo qof ayaa ku dhimatay magaalladda Freetown, ee caasimadda dalka Sierra Leone, kaddib robab xooggan oo daad ku fatahiyay magaalada sababayna inay guryo soo dumaan.