3/28/2024
Today from Hiiraan Online:  _
Wararka Maanta- Axad, Aug 13, 2017
Maxkamada sare ee Soomaaliland oo war ka soo saartay doorashadii uu muranka ka dhashay ee gollaha wakiilada


Axad, August, 13,  2017 (HOL)- Maxkamadda sare ee Somaliland, ayaa go’aan ka soo saartay dacwaddii xildhibaan Cabdiraxmaan Talyanle u soo gudbiyey ee uu kaga cabanayey in natiijadii codadkii xildhibaanadda ee doorashaddii gudoomiyaha golaha wakiiladda la is daba mariyey,isla markaana uu yahay gudoomiyaha golahaasi.

Maxkamadda sare ayaa sheegtay in aanay ka garniqi Karin muran golaha dhexdiisa ah,isla markaana xalinta khilaafkooda loo marayo xeer hoosaadka golaha Wakiilada uga yaalla, waxaanay tilmaameen qodobo xeer hoosaadkoodda ka mid ah oo tilmaamayo sidda loo xaliyo muranadda ka yimaadda codadka iyo muraanadda doorashadda.

Sidoo kale, waxa ay sheegeen in dacwadani aanay ahayn mid dastuuri ah oo meel lagaga dhacay arrin dastuuri ah, sidaas darteed aanay ka garan karin muran golaha dhexdiisa ka dhacay oo loo mari karo xeer hoosaadkoodda.

Qoraal ka soo baxay Maxkamadda oo ay ku saxeexan yihiin shan xubnood oo ka mid ah garsoorka maxkamadda sare oo uu gudoominayey gudoomiyaha maxkamadda sare Aadan Xaaji Cali, waxaanu u qornaa sidan : “ Maxkamadda sare Markay aragtay arjiga dacwadda ah ee ku taariikhaysnayd 8/8/2017 ee Xildhibaan Cabdiraxmaan Talyanle dacwadeeda usoo gudbiyey maxkmadda sare oo ujeedadeedu tahay doorashaddii ka dhacday golaha Wakiiladda oo uu kaga cabanayo go’aankii lagu ansixiyey natiijadii doorashaddii gudoomiyaha golaha wakiilada ee dhacday 6/8/2017, waxaanu ka cabanayaa inuu isagu helay 39 cod, halka Baashe Maxamed Faaraxna uu helay 38 cod oo codeyntii la is daba mariyey.

Markii ay maxkamadu u cadaatay in aanu jirin muran dastuuri ah oo la leeyahay arrin dastuuri ah ayaa meel lagaga dhacay, balse ay cabashaddu la xidhiidho habka codeynta ee golaha dhexdiisa, markay maxkamada u cadaatay arrin gudaha ah,isla markaana uu jiro xeer hoosaad uu leeyahay golaha Wakiiladdu oo ay tahay in muranadooda ku xaliyaan xeer hoosaadkooda, gaar ahaan qodobka 37aad,42aad, ee xeerka numbarkiisu yahay1/2006, markay maxkamadda u cadaatay si waafaqsan xeer hoosaadka golaha ,isla markaana ay aqballeen musharaxiinta tartamaysay, cabashadana ay timid natiijaddii codeynta.

Waxay qaraarisay arjiga uu maxkamada usoo qortay Xildhibaan Cabdiraxaman Talyanle aanu waafaqsanayn qodobada sharciga ah ee khuseeya maxkamada dastuuriga ah, maadaama aanu jirin dacwad dastuuri ah, oo waafaqsan qodobka 98aad, faqradiisa 1aad, A iyo C, ee dastuurka Somaliland, waxay qaraarisay in maxkamaddu in arjigaasi uu xildhibaanku usoo gudbiyey uu dariiqeedu yahay golaha wakiilada dhexdiisa, iyagoo raacaya xeer hoosaadkooda, gaar ahaan si waafaqsan qodobka 37aad oo ka hadlaya soo jeedimaha, iyo qodobka 42aad oo ka hadlaya noocyadda codeynta iyo muranadda ka yimaadad sida loo xaliyo ee xeer numb 1/2006.”.

Murankan ayaa ka dhashay natiijadii doorashaddii gudoomiyaha golaha Wakiiladda oo markii doorashaddu dhamaatay 39 xildhibaan ku doodeen inay Cabdiraxmaan Talyanle doorteen, taasina ay keentay inuu khilaafku cirka isku sii shareero, waxaanay taasi keentay in musharax Cabdiraxmaan Talyanle dacwad u qorto maxkamadda sare, haseyeeshee Maxkamadda sare waxay dib ugu soo celisay murankaasi in lagu dhameeyo xeer hoosaadka golaha,isla markaanaa aanay ka garniqi Karin.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
8/13/2017 10:54 AM EST
Axad, Augusto 13, 2017 (HOL) –Taliska Booliska Magaalladda Baydhabo ee xarunta Gobolka Baay, ayaa ku amray dadka ka yimaada deeganada ay maamulaan Ururka Al Shabaab in aysan soo geli karin magaalladda.

8/13/2017 10:16 AM EST
Axad, Augusto 13, 2017 (HOL) – Madaxweynaha dowladda Soomaaliya Maxamed Cabdullaahi Farmaajo ayaa ku dhawaaqay in cudurka dabeysha laga cirib tiray guud ahaan dalka Soomaaliya muddadii sadexdii sano ahayd ee la soo dhaafay.

8/13/2017 9:41 AM EST
Axad, Augusto 13, 2017 (HOL) – Waxaa goor dhaw garoonka diyaaradaha Aadan Cadde ee magaalada Muqdisho ka soo degtay diyaarad siday Sheekh Mukhtaar Rooboow Cali Abuu Mansuur oo ka soo duushay degmada Xuddur.

8/13/2017 9:18 AM EST
Axad, Augusto 13, 2017 (HOL) – Wasiirka wasaaradda arimaha dibada Yuusuf Garaad Cumar ayaa maanta hortagay mudanayaasha baarlamaank Soomaaliya, isaga oo ka jawaabay su’aalo dhowr ah oo la weydiiyay.

8/13/2017 8:28 AM EST
Axad, Augusto 13, 2017 (HOL) – Ra’iisul Wasaare ku xigeenka Xukuumadda Soomaaliya Mahdi Maxamed Guuleed (Khadar) ayaa ka qayb-galay munaasabad uu xilka kula wareegayay Hanti dhowraha cusub ee Soomaaliya Maxamed Maxamuud Cali (Afgooye) oo dhawaan la magacaabay, waxaana xilka ku wareejiayay ku simaha Hanti dhowraha Qaranka Cali Abuukar Axmed.

8/13/2017 8:16 AM EST
Axad, Augusto 13, 2017 (HOL) - Sheekh Mukhtaar Robow Abu Mansuur oo horay u soo noqday Amiir ku-xigeenkii Ururka Al-shabaab ayaa tagay degmada Xuddur kaddib dagaal ba’an oo labadii cisho ee la soo dhaafay uu la gallay xoogag ka tirsan Al-shabaab ku soo weeraray deegaankii saldhiga u ahaa ee Abal oo ka tirsan gobolka Bakool.

8/13/2017 8:02 AM EST
Axad, Augusto 13, 2017 (HOL) - Qaraannada u doodaya xubnaha cabashada ka keenay doorashadii xubnaha gollaha shacabka ayaa ugu baaqay hay’addaha dowladda in la fuliyo go’aankii ay horay u gaartay maxkamada sare ee ka dhanka ahaa 8 xildhibaan ee kuraastooda lagu muransan yahay.

8/13/2017 7:12 AM EST
Axad, Augusto 13, 2017 (HOL)- Wararka naga soo gaaraya magaalada Jowhar ee gobolka Shabeellaha dhexe ayaa sheegaya in goor dhaw halkaa is casilaad uga dhawaaqeen 11 wasiir oo ka tirsanaa maamulka gobolleedka Hirshabeelle.

8/13/2017 6:21 AM EST
Axad, Augusto 13, 2017 (HOL) - Hal qof ayaa la xaqiijiyey inuu ku dhintay ku dhawaad 20 kalana waa ay ku dhaawacmeen kadib marki baabuur la jiirsiiyey kooxo iska soo horjeeday oo ku banaanbaxayey magaalada Charlottesville ee gobolka Virginia.

8/13/2017 5:03 AM EST
Axad, Augusto 13, 2017 (HOL) –Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa xalay ka qeybgalay xaflad si heer sare ah loo soo agaasimay oo lagu xusayey Maalinta Dhalinyarada Adduunka oo ay soo qabanqaabisay Wasaarada Dhalinyarada iyo Ciyaaraha. Xafladan ayaa waxaa ka soo qeybgalay Wasiiro ay ka mid ahaayeen Wasiirka Dhalinyarada & Ciyaaraha, Xildhibaano, Guddoomiyaha Gobolka Benaadir ahna Duqa Muqdisho, dhalinyaro iyo martisharaf kale.

8/13/2017 4:47 AM EST
Axad, Augusto 13, 2017 (HOL) Jaaliyadda Soomaaliyeed ee magaalada Stockholm, caasimadda dalka Sweden, ayaa xaflad casho sharaf ah oo soo dhaweyn ah waxa ay xalay ugu sameysay maqaayadda weyn ee Juba Restuarant Agaasimaha Hey’adda Socdaalka iyo Jinsiyadda ee Dowladda Soomaaliya Maxamed Aadan (Koofi) iyo Cali Cabdi Wardheere (Cali Yare) oo ka howl-gala xafiiska madaxweynaha Soomaaliya.

8/13/2017 3:41 AM EST
Axad, Augusto 13, 2017 (HOL) –Hogaamiyihii hore ee Xarakadda Al Shabaab Sheekh Mukhtaar Roboow Abuu Mansuur ayaa gaaray magaalladda Xudur ee xarunta Gobolka Bakool, halkaas oo uu kulan kula leeyahay mas'uuliyiin maamulka Koonfur-galbeed iyo dowladda Soomaaliya ka tirsan.

8/13/2017 3:35 AM EST
Axad, Augusto 13, 2017 (HOL) – Laba qof ayaa ku dhaawacmay degaanka Xalin oo ka tirsan degmada Taleex, kaddib markii ay halkaa tageen howlwadeennada Kaararka codeynta doorashada Soomaaliland.

8/13/2017 2:58 AM EST
Axad, Augusto 13, 2017 (HOL) –Maxamed Faarax (Mo Farah) ayaa xalay ku guuldareystay inuu ku guuleysto billada dahabka orodka shanta kun ee mitir ee tartanka ciyaaraha Atlaletic-kadda adduunka.

8/13/2017 2:33 AM EST
Axad, Augusto 13, 2017 (HOL) –Qarax ka dhacay magaalladda Quetta ee dalka Pakistan ayaa waxa ugu yaraan ku dhintay 15 qof halka 32 kalena ay ku dhaawacmeen.

8/13/2017 2:22 AM EST
Axad, Augusto 13, 2017 (HOL) –Ra’iisul Wasaaraha Xukumadda Federaalka ee Soomaaliya Xasan Cali Kheyre ayaa sheegay in maamulka gobolka Banaadir uu shaqaalleysiin doono ku dhawaad 1,000 qof oo dhallinyaro ah.

8/13/2017 1:36 AM EST
Axad, Augusto 13, 2017 (HOL) –Ra’iisul Wasaare ku xigeenka Soomaaliya Mudane Mahdi Maxamed Guuleed (Khader) ayaa ka qayb galay Munaasabad lagu xusayay maalinta caalamiga ah ee dhalinyaradda aduunka oo sanad walba la qabto 12-ka bisha Ogoosto oo ku beegeyd shalay.