Haweeney ka shaqeysa ilaalinta deegaanka oo lagu dhaawacay Kenya
Axad, April, 23, 2017 (HOL) – Koox hubaysan ayaa dalka Kenya ku dhaawacay Kuki
Gallmann, oo ah haweeney ka shaqeysa ilaalinta deegaanka isla markaana qoraa
ah.
Waxaa lagu soo warramayaa in lagu toogtay beer ay ku leedahay deegaanka
Laikipia, dhaawaceedana diyaarad loogu soo qaaday Isbitaal ku yaalla Nairobi.
Bishii lasoo dhaafay, ayaa dabley la rumaysan yahay in ay xoolo dhaqato
yihiin waxaa ay gubeen hoteel loo dalxiis tago oo ay Ms Gallmann ku leedahay
deegaankaasi.
Kuki Gallmann ayaa dabayaaqadii todobaatameeyadii waxa ay kasoo guurtay
Talyaaniga, ayadoo degtay dalka Kenya.
Waxa ay ku caanbaxday xusuus-qorkeedii "Waxaan ku riyooday Afrika"
kaasoo laga sameeyay filim ay jishay atirishada Maraykanka ah ee Kim Basinger.
Milkiilayaasha seeraha ee deegaanka Laikipia ayaa ka dalbaday dowladda Kenya
in wax ka qabto ammaan darrida, xilli ay dad xoolo dhaqata ah xoog ku haystaan
qeybo ka mid ah seerahaasi.
C/raxmaan Diini, Hiiraan Online
[email protected]
