3/29/2024
Today from Hiiraan Online:  _
Wararka Maanta- Khamiis, Apr 21, 2017
Guddoomiyaha Baarlamaanka oo la kulmay Naafada Qaranka

 

Jimco, April, 21, 2017 (HOL) -Guddoomiyaha Golaha shacabka Soomaaliyeed Mudane Maxamed Sheekh Cusmaan Aaden (Jawaari), ayaa la kulmay Ururka Naafada Qaranka Soomaaliyeed.

Kulanka Pr Jawaari iyo Ururka Naafada  ayaa ka dhacay magaalladda Muqdishu.

Guddoomiyaha golaha shacabka mudane Maxamed Sheekh Cusmaan, ayaa dhegeystay soo jeedinta Xubnaha Ururka, waxaana uu sheegay in laga shaqeyn doono dib-u-soo nooleynta wakaaladdii qaabilsaneyd daryeelka Dadka qaba baahiyaha gaarka ah.

Jawaari, ayaa sidoo kale sheegay in laga warqabi doono xaaladda Ururka Naafada Qaranka Soomaaliyeed.

Dhinaca kale, Guddoomiyaha golaha naafada Soomaaliyeed Sayid Cali C/laahi Salaad, ayaa intii kulanka uu socday sheegay inay Dowladda dhexe ka rabaan in dastuurka lagu daro qodobo caddeynaya daryeelka ay leeyihiin Dadka naafada ah.

Sidoo kale Golaha Naafada, ayaa ka codsaday Guddoomiyaha Baarlamaanka in laga qeyb-geliyo siyaasada dalka Soomaaliya.

Ururka Naafada Qaranka Soomaaliyeed, ayaa fadhigooda dhexe uu yahay magaalladda Muqdishu.

Si kastaba, in aan la ogaanin xaaladda rasmiga ah ee ay ku sugan yihiin dadka naafada ah iyo dadka tabarta yar, waa mid kamid ah dhibaatooyinkii laga dhaxlay bur-burkii iyo Dowlad la’aantii dalka soo martay wax ka badan 25 sano.

Marka aad dhex tagto dadka baahiyaha gaarka qaba waxaad dareemeysaa ineysan cidna u maqneyn ceelna u qodneyn balse waxay gar-gaar dhinac kasta ka sugaayaan walaalahooda wax ku dhaama.

Hiiraan Online,
[email protected]
Mogadishu,Somalia














Click here
4/21/2017 2:31 PM EST
Jimco, April, 21, 2017 (HOL) - Ciidamada dawladda Kenya ayaa sheegay in ay dileen 52 ka tirsan ururka Al-Shabaab habeenimadii xalay ku dileen weerar ay ka geysteen deegaan lagu magacaabo Sarira oo u dhaw magaalada Badhaadhe.

4/21/2017 2:04 PM EST
Jimco, April, 21, 2017 (HOL) -Wararka naga soo gaaraya degmada Buula-burte ayaa sheegaya in howlgal ay sameeyeen caawa ciidamada dowladda Soomaaliya y ku dileen askari dil u geystey mid kamid ah ciidamada nabad ilaalinta AMISOM ee dalka Jabuuti.

4/21/2017 11:15 AM EST
Kulan looga hadlaayay gurmadka abaaraha oo ay soo agaasintay Sanetor Amy Klobacher ayaa maanta lagu qabtay Xarunta American Refugee Comattee A.R.C ee magaalada Minneapolis.

4/21/2017 10:43 AM EST
Cabdiwahab Cali oo ahaa Askarigii 2-aad ee Soomaaliyeed oo ka mid noqda ciidamadda Booliiska Minneapolis ayaa shalay u dalacay darajada Saajin ama sarkaal sare ,

4/21/2017 7:54 AM EST
Jimco, April, 21, 2017 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullahi Maxamed “Farmaajo” ayaa u hambalyeeyay Madaxweyne Erdoğan iyo Shacabka Turkiga kadib markii xisbiga madaxweyne Erdogan uu ku guuleystay aftidii laga qaaday shacabka dalkaasi.

4/21/2017 7:33 AM EST
Jimco, April, 21 2017 (HOL)- Xildhibaanada golaha deegaanka degmadda Saylac ayaa bedelay maayarkoodii,isla markaana maayar cusub doortay, taas oo abuurtay khilaaf u dhexeeya golaha deegaanka Saylac iyo wasaardda Arrimaha gudaha Somaliland.

4/21/2017 2:53 AM EST
Jimco, April, 21, 2017 (HOL) -Dowladda Federaalka ee Soomaaliya ayaa si kal iyo laab ah uga mahadcelisay Dowladda iyo Shacabka Isutaga Imaaraadka Carabta (UAE) oo maalinta Jimcaha ah iclaamiyey u gurmadka abaaraha dalka ka jira oo dhammaan TV-yada Imaaraadka ay si toos ah (live) ugu ololeynayaan in shacabka Imaaraadka uu lacago u ururiyo Abaaraha Soomaaliya.

4/21/2017 1:36 AM EST
Jimco, April, 21, 2017 (HOL) -Magaalladda Jowhar ee xarunta Gobolka Shabeellaha dhexe, waxaa shalay gaaray lix diyaaradood oo Khaad sida, kuwaa oo shan ka mid ah markii hore Khaadka geyn jiray magaalladda Muqdisho, sida uu sheegay wariye ka tirsan Hiiraan Online.

4/21/2017 1:14 AM EST
Jimco, April, 21, 2017 (HOL) -Golaha Wasiirada ee Xukuumada Federaalka Soomaaliya ayaa yeeshay kulankoodii caadiga ahaa oo uu shir-guddoominayay Ra’iisal Wasaaraha Xukuumada Mudane Xasan Cali Kheyre. Arrimaha kulanka looga hadlay ayaa waxaa ka mid ahaa Maareynta Maaliyada, Amniga Qaranka, Xuquuqda Shaqaalaha, Qorshaha ka hortaga Musuqmaasuqa iyo arrimo kale.

4/21/2017 12:57 AM EST
Jimco, April, 21, 2017 (HOL) -Dab xooggan ayaa xalay ka kacay Suuqa ugu weyn Soomaaliya ee Bakaaraha, sida Ganacsato ay u sheegeen Hiiraan Online.