Diyaaradihii khaadka geyn jiray Muqdisho oo Jowhar ka degay maanta
Khamiis, April, 20, 2017 (HOL) - Wararka naga soo gaaraya magaalada Jowhar ee xarunta gobolka Shabeellaha
dhexe ayaa sheegaya in maanta halkaa ay ka degeen ilaa lix diyaaradood oo Khaad
sida, kuwaa oo shan ka mid ah markii hore Khaadka geyn jiray magaalada
Muqdisho.
Sababta arintan ayaa lagu micneeyay go’aan adag oo ay qaateen ganacsatada
Khaadka oo siweyn uga gadoodsan cabshuur adag oo lagu soo rogay Khaadka ka degi
jiray garoonka diyaaradaha Aadan Cadde.
Marduufka Jaadka ayaa Garoonka Aadan Cadde, markii hore waxaa lagu canshuuri
jiray 43,000 oo Shilin Soomaali ah, halka ganacastada ay sheegeen Dowladda inay
ku kordhisay lacag dhan 10,000 oo Shilin Soomaali ah, lacagtana ay noqotay
53,000 oo Shilin Soomaali ah.
Maamulka Hirshabeelle ayaa qoraal ka soo baxay waxaa lagu soo dhaweeyay go’aanka
ay qaateen ganacsatada Khaadka oo isticmaalaya garoonka Jowhar, madaama
maamulka arintan u noqon karto fursad dhaqaale.
Waxaa siweyn maanta loo adkeeyay amniga garoonka diyaaradaha magaalada Jowhar iyadoo
ay sugayeen ammaanka ciidamada xoogga dalka iyo kuwa AMISOM.
C/raxmaan Diini, Hiiraan Online
[email protected]
