3/28/2024
Today from Hiiraan Online:  _
Wararka Maanta- Khamiis, Apr 20, 2017
Ra’iisul wasaaraha Soomaaliya iyo Safiirka Mareykanka oo ka wada hadlay xiriirka labada dal

 
Khamiis, April, 20, 2017 (HOL) –Ra’iisul Wasaaraha Dowladda Federaalka Soomaaliya Xasan Cali Khayre ayaa la kullmay safiirka Dowladda Mareykanka u fadhiya Soomaaliya Stephen Schwartz.

Labada masuul ayaa ka wada hadlay iskaashiga labada Dowladood iyo Mareykanka doorka uu ku leeyahay u gurmashada dadka Abaaraha saameynta ay ku yeesheen.

Ra’iisul Wasaaraha Dowladda Federaalka Soomaaliya Xasan Cali Khayre, ayaa sheegay in Mareykanka uu ka dalbayo inay xoojiyaan taageerada ay siiyaan Soomaaliya.

Safiirka Dowladda Mareykanka ee Soomaaliya Stephen Schwartz ayaa dowladda ku ammaanay dadaalka ay wadaan ee ku aadan hormarka dalka.

Ra’iisul Wasaaraha Dowladda Federaalka Soomaaliya Xasan Cali Khayre ayaa u mahadceliyay Dowladda Mareykanka waxaana uu sheegay in Dowladda Mareykanka ay ka mid tahay Dowladaha sida gaarka ah u taageera Soomaaliya.

14-kii Bishan Ciidamo American ah ayaa loo soo daabulay magaalladda Muqdishu ee Caasimada Soomaaliya, sida ay sheegeen saraakiil Mareykan ah.

Ciidanka ayaa gaaraya tira ahaan daraasiin waxaana tababaro ay siin doonnaan ciidamada Dowladda Soomaaliya iyo kuwa AMISOM, ee dagaalka kula jira Xarakadda Al Shabaab.

Tiro kooban oo ciidamo ah ayaa 2-dii bishan ka degay magaalladda Muqdisho, waxaana saraakiishu sheegeen in tagista ciidankaasi ay codsatay dowladda Somalia.

Ciidamada Mareykanka ee Muqdishu hadda jooga, ayaa noqonaya  ciidamadii ugu horeeyay ee Militeriga dowladda Mareykanka ka tirsan ee Soomaaliya soo gaaray, marka laga soo tago tiro yar oo ah lataliyayaal dhinaca la dagaalanka argagixisada oo haray Soomaaliya usoo gaaray.

Mareykanka wax ciidan militeri ah kama joogin Soomaaliya tan iyo bishii March ee sanadkii 1994, xiligaas oo ciidamadii Militeriga Mareykanka laga saaray howlgalkii faragelinta UN-ka ee Soomaaliya.

Shan bilood kadib xiligaasi, 18 askari oo American ah ayaa waxaa lagu dilay magaalladda Muqdishu waxaana dilkooda laga sameeyay filimkii caan baxay ee Black Hawk Down.

Hiiraan Online,
[email protected]
Mogadishu,Somalia














Click here
4/20/2017 12:09 PM EST
Khamiis, April, 20, 2017 (HOL) –Degmada Buula-burte ee gobolka Hiiraan waxaa maanta gaaray wafdi uu horkacayay madaxweynaha maamul gobolleedka Hirshabeelle Cali Cabdullaahi Cosoble, waxaana wafdiga qeyb ka ahaa guddoomiyaha maamulka gobolka Hiiraan iyo saraakiil ka kala soctay AMISOM iyo dowladda Soomaaliya.

4/20/2017 11:35 AM EST
Khamiis, April, 20, 2017 (HOL) - Sadex qof ayaa la sheegayaa in ay ku dhinteen tuulada Dharkayn-geenyo oo 75Km galbeed kaga aadan magaalada Laascaanood Xarunta gobolka Sool kadib markii rasaas ka dhacday meel bartamaha magaaladaas ku taala.

4/20/2017 11:11 AM EST
Khamiis, April, 20, 2017 (HOL) - Wararka naga soo gaaraya magaalada Jowhar ee xarunta gobolka Shabeellaha dhexe ayaa sheegaya in maanta halkaa ay ka degeen ilaa lix diyaaradood oo Khaad sida, kuwaa oo shan ka mid ah markii hore Khaadka geyn jiray magaalada Muqdisho.

4/20/2017 9:03 AM EST
Khamiis, April, 20, 2017 (HOL) - Golaha Wasiirada ee Xukuumada Federaalka Soomaaliya ayaa maanta yeeshay kulankoodii caadiga ahaa oo uu shir-guddoominayay Ra’iisal Wasaare Xasan Cali Kheyre. Arrimaha kulanka looga hadlay ayaa waxaa ka mid ahaa Maareynta Maaliyada, Amniga Qaranka, Xuquuqda Shaqaalaha, Qorshaha ka hortaga Musuqmaasuqa iyo arrimo kale.

4/20/2017 8:40 AM EST
Khamiis, April, 20 2017 (HOL)- Alla ha u naxariista Abwaan Xasan Qawdhan Yuusuf oo ka mid ah abwaaniinta waaweyn ee gayiga Soomaalidda ayaa shalay ku geeriooday wadanka Sweden oo muddooyinkii u dambeeyey xanuunsayey.

4/20/2017 5:15 AM EST
Khamiis, April, 20, 2017 (HOL) – Waxaa goor dhaw oo maanta ka degay garoonka diyaaradaha degmada Buula-burte madaxweynaha maamulka Hirshabeelle Cali Cabdullaahi Cosoble iyo saraakiil ka tirsan ciidamada Jabuuti ee qeybta ka ah howlgalka midowga Africa AMISOM.

4/20/2017 4:38 AM EST
Khamiis, April, 20, 2017 (HOL) – Guddoomiyaha maamulka gobolka Hiiraan Cali Jeynte Cismaan ayaa goor dhaw ka degay garoonka diyaaradaha degmada Buula-burte, waxaana sidoo kale la filayaa in saacadaha soo socda uu halkaa gaaro madaxweynaha maamulka Hirshabeelle Cali Cabdullaahi Cosoble.

4/20/2017 3:39 AM EST
Khamiis, April, 20, 2017 (HOL) -Diyaarado dagaal ayaa lagu soo waramayaa in xalay duqeyn ay ka geysteen degmada Ceel-waaq ee Gobolka Gado ee koonfurta Soomaaliya.


4/20/2017 1:51 AM EST
Khamiis, April, 20, 2017 (HOL) -Wasiirka Warfaafinta ee Dowlada Federaalka Soomaaliya Mudane Cabdiraxmaan Cumar Cismaan (Eng. Yarisow) oo kulan la qaatay mas’uuliyiinta Hay’ada TEDxMogadishu ayaa soo dhoweeyey isla markaasna dhiirigeliyey Bandhiga TEDxMogadishu oo maanta oo Khamiis ah 20 April 2017 laga qaban doono Muqdisho, Soomaaliya.

4/20/2017 1:41 AM EST
Khamiis, April, 20, 2017 (HOL) -Wasiirka Warfaafinta & Hannuuninta Dadweynaha ee Dowladda Federaalka Soomaaliya Mudane Cabdiraxmaan Cumar Cismaan (Eng. Yarisow) ayaa si kulul u cambaareeyey falkii Al-Shabaab ay qarax miino ugu geysteen gaari ay saarnaayeen xubno ka socda Guddiga Abaaraha Qaranka iyagoo maraya deegaanka Garasbaaley si shacabka barakacayaasha ah loogu gurmado.