8/9/2020
Today from Hiiraan Online:  _
Wararka Maanta- Arbaco, Oct 31, 2012
Dhowr qof oo hal qoys kasoo jeeda oo Biriqi ay ku dishay Deegaan ka Tirsan Degmada Ceeldheer ee gobolka Galguduud


Arbaco, Oktoobar 31, 2012 (HOL) — Saddex qof oo kasoo jeeda hal qoys ayay xalay biriqi ku dishay deegaan ka tirsan degmada Ceeldheer ee gobolka Galguduud kaddib roobab xoog badan oo ka da'ay degmadaas, iyadoo sidoo kalena biriqdani waxay dhaawacday laba qof oo isla qoyskaas ka tirsan.

Roobabkan ayaa waxay ahaayeen kuwo xooggan oo saacado xiriir ah ka da'ayay degmadaas iyo daafaheeda, waxaana saddexda qof ee dhintay la sheeagy inay kala ahaayeen: wiil iyo gabar isla dhashay iyo gabar uu qabo walaalkood, sidoo kale waxaa labadii qof ee dhaawacmay loo qaaday isbitaalka Ceeldheer oo lagu daweyayo.

"Biriqdu waxay ku dhacday guriga ay qoyskani ku noolaayeen, waxaana xilligaas da'ayay roobab xooggan. Saddex ayaa dhintay laba kalena dhaawacyo culus ayaa soo gaaray," ayuu yiri goobjooge ku sugan deegaanka ay biriqdu ku dishay dadka rayidka ah.

Inkastoo roobabku ay joogsadeen, haddana dadka deegaankaas iyo kuwa ku dhow ku nool waxay si aad ah u hadal-hayaan biriqda dhimashada iyo dhaawaca ka geysatay deegaankaas, iyadoo tani ay noqonayso markii ugu horreysay sannooyin fara badan kaddib oo ay ka dhacdo arrinatn oo kale.

Dhanka kale, Roobab khasaare geystay ayaa iyaguna xalay ka da'ay gobolka Hiiraan ee bartamaha Soomaaliya, kuwaasoo dilay boqolaal neef oo xoolo ah, sidoo kalena burburiyay guryo badan oo ku yaalla galbeedka degmada Baladweyne iyo deegaanno kale.

Lama sheegin khasaare dad oo roobabkaas ay geysteen, waxaase ku cayrtoobay qoys kaddib markii ay ka dhinteen boqolaal ari ah oo ay dhaqanayeen, waxaana tani ay ay qayb ka noqonaysaa dhibaatooyinka roobabku ay ka geysanayaan dalka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/31/2012 8:07 AM EST
Arbaco, Oktoobar 31, 2012 (HOL) — Maxkamadda gobolka Banaadir ayaa maanta ku ridday xukunno isugu jira xabsi iyo lacag ganaax ah laba nin oo bishii September ee lasoo dhaafay lagu qabtay qamri iyo xashiis fara badan, iyadoo xukunka labadan ruux lagu dhawaaqay markii dhageysiga dacwaddooda ay dhammaatay.

10/31/2012 6:38 AM EST
Arbaco, Oktoobar 31, 2012 (HOL) — Cutubyo ka tirsan ciidamada dowladda Jabuuti ee qeybta ka ah howlgalka midowgga Africa ee AMISOM ayaa maalintii shalay gaaray magaalada Baladweyne ee xarunta gobolka Hiiraan.

10/31/2012 6:36 AM EST
Arbaco, Oktoobar 31, 2012 (HOL) — Askari ka tirsan ciidamada maamulka gobollka Hiiraan ayaa maanta bartamaha magaalada Baladweyne toogasho ku dillay taliyihii howlgalinta ciidamada maamulka Muumin Maxamed Maxamuud.

10/31/2012 5:52 AM EST
Arbaco, Oktoobar 31, 2012 (HOL) —Maamulka KMG ee Degmada Kismaayo ayaa maanta kulan ugu yeeray ganacsatada reer Kismaayo, iyadoona kulanka uu ka dhici doono xarunta degmada Kismaayo.

10/31/2012 3:49 AM EST
Arbaco, Oktoobar 31, 2012 (HOL) — Iska-horimaad xooggan ayaa xalay fiidkii ku dhexmaray deegaanka Goof-guduud ee duleedka degmada Baydhabo ciidamada dowladda Soomaaliya iyo kuwa Itoobiya oo iskaashanaya iyo xoogagga Al-shabaab, iyadoo dagaalkan uu kusoo beegmay xilli ay ciidamada Itoobiya ka wadaan gobolka Bay dhaqdhaqaaqyo ciidan.

10/31/2012 3:22 AM EST
Arbaco, Oktoobar 31, 2012 (HOL) —Faahfaahin dheeri ah ayaa kazoo baxeyso qarax xooggan oo baramaha magaalada Kismaayo xalay lagula eegtay ciidamo katirsan kuwa dowladda oo wax ka iibsanayay goob Qaadka lagu iibiyo oo ku taal Xaafadda Calanleey.

10/31/2012 3:20 AM EST
Arbaco, Oktoobar 31, 2012 (HOL) — Ururka horumarinta haweenka Soomaaliyeed ee IIDA ayaa shalay oo Salaado ahayd kusoo bandhigatay xaruntooda Muqdisho buug ay ku faahfaahinayaan xuquuqda uu dastuurka KMG ah ee dalku siinayo haweenka iyo halganka ay haweenku u soo galeen sidii dastuur lagu heli lahaa.

10/31/2012 2:41 AM EST
Arbaco, Oktoobar 31, 2012 (HOL) — Kooxo aan la garanayn ayaa xalay toogtay mid ka mid ah ciidamada booliiska Kenya mid kalena dhaawac u geystay kaddib markii ay rasaas ku fureen ciidamadan oo howlo ammaanka lagu adkeynayay ka waday bartamaha degmada Gaarsiga ee xarunta gobolka Waqooyi-bari Kenya.