3/29/2024
Today from Hiiraan Online:  _
Wararka Maanta- Arbaco, Oct 31, 2012
Faahfaahin ku Saabsan Qarax Xalay ka Dhacay Magaalada Kismaayo

Arbaco, Oktoobar 31, 2012 (HOL) —Faahfaahin dheeri ah ayaa kasoo baxeyso qarax xooggan oo baramaha magaalada Kismaayo xalay lagula eegtay ciidamo katirsan kuwa dowladda oo wax ka iibsanayay goob Qaadka lagu iibiyo oo ku taal Xaafadda Calanleey.

Qaraxan oo ahaa nooca bambaanooyinka gacanta laga tuuro ayaa ka dhacay agagaarka isgoyska Somalistar ee xaafadda Calanleey, waxaana lagu tuuray goob qaadka lagu iibiyo oo ay xilligaasi ku sugnaayeen ciidamo katirsan kuwa dowladda.

Ilo wareedyo lagu kalsoonyahay ayaa HOL u xaqiijiyay in qaraxa uu sababay dhaawaca afar qof oo rayid ah, mana jiraan cid ku geeriyootay qaraxaasi.

Ciidamadii qaraxa lala eegtay ayaa la sheegay in ay ka badbaadeen qaraxa, ilaa imikana lama garanayo cidda ka danbeeysay qaraxaasi.

Mid kamid ah saraakiisha Isbitalka Kismaayo oo codsaday in aan magaciisa la xigan ayaa HOL u sheegay in isbitalka lasoo gaarsiiyay afar qof oo dhaawac ah oo mid kamid ah ay ahayd Dumar.

“Afar qof ayaa la keenay isbitalka, waxa ku jirtay hal qof oo dumar ah, dhaawacyadooda waxay isugu jiraan kuwa culus iyo kuwa fudud,” ayuu Masuulkani hadalkiisii raaciyay.

Dhinaca kale waxaa saaka Isbitalka Kismaayo ku geeriyootay gabar kamid ah haweenkii dhawaan uu dhaawaca kasoo gaaray qaraxii Miino ee ka dhacay goob maqaaxi ah oo ku taal afaafka hore ee xarunta Degmada Kismaayo.

Haweeneydani oo lagu magacaabi Jiray Allaha u naxariistee Maryan Max'ed Arabow ayaa kamid ahayd dadkii cabsida uga barakacay magaalada Kismaayo xilliyadii ay xiisadaha ka jireen halkaasi, waxaana maalintii ugu horeeysay ee ay magaalada kusoo laabato uu qarax ku haleelay goob laga shaaheeyo oo ku dhawayd boosteejadii ay gaariga uga dagtay.

"Caruur ayay haysatay oo ay u xamaalan jirtay, maalmihii u danbeeyay xaaladeeda halis ayay ahayd oo dhaawac aad u daran ayaa gaaray, saakana isbitalka ayay ku geeriyootay," sidaa waxa HOL u sheegay mid kamid ah ehellada Marxuumad Maryan.

 

Xasan Nuur, Hiiraan Online
[email protected]

Kismayo, Soomaaliya

 

 













Click here
10/31/2012 8:07 AM EST
Arbaco, Oktoobar 31, 2012 (HOL) — Maxkamadda gobolka Banaadir ayaa maanta ku ridday xukunno isugu jira xabsi iyo lacag ganaax ah laba nin oo bishii September ee lasoo dhaafay lagu qabtay qamri iyo xashiis fara badan, iyadoo xukunka labadan ruux lagu dhawaaqay markii dhageysiga dacwaddooda ay dhammaatay.

10/31/2012 6:38 AM EST
Arbaco, Oktoobar 31, 2012 (HOL) — Cutubyo ka tirsan ciidamada dowladda Jabuuti ee qeybta ka ah howlgalka midowgga Africa ee AMISOM ayaa maalintii shalay gaaray magaalada Baladweyne ee xarunta gobolka Hiiraan.

10/31/2012 6:36 AM EST
Arbaco, Oktoobar 31, 2012 (HOL) — Askari ka tirsan ciidamada maamulka gobollka Hiiraan ayaa maanta bartamaha magaalada Baladweyne toogasho ku dillay taliyihii howlgalinta ciidamada maamulka Muumin Maxamed Maxamuud.

10/31/2012 5:52 AM EST
Arbaco, Oktoobar 31, 2012 (HOL) —Maamulka KMG ee Degmada Kismaayo ayaa maanta kulan ugu yeeray ganacsatada reer Kismaayo, iyadoona kulanka uu ka dhici doono xarunta degmada Kismaayo.

10/31/2012 3:49 AM EST
Arbaco, Oktoobar 31, 2012 (HOL) — Iska-horimaad xooggan ayaa xalay fiidkii ku dhexmaray deegaanka Goof-guduud ee duleedka degmada Baydhabo ciidamada dowladda Soomaaliya iyo kuwa Itoobiya oo iskaashanaya iyo xoogagga Al-shabaab, iyadoo dagaalkan uu kusoo beegmay xilli ay ciidamada Itoobiya ka wadaan gobolka Bay dhaqdhaqaaqyo ciidan.

10/31/2012 3:38 AM EST
Arbaco, Oktoobar 31, 2012 (HOL) — Saddex qof oo kasoo jeeda hal qoys ayay xalay biriqi ku dishay deegaan ka tirsan degmada Ceeldheer ee gobolka Galguduud kaddib roobab xoog badan oo ka da'ay degmadaas, iyadoo sidoo kalena biriqdani waxay dhaawacday laba qof oo isla qoyskaas ka tirsan.

10/31/2012 3:20 AM EST
Arbaco, Oktoobar 31, 2012 (HOL) — Ururka horumarinta haweenka Soomaaliyeed ee IIDA ayaa shalay oo Salaado ahayd kusoo bandhigatay xaruntooda Muqdisho buug ay ku faahfaahinayaan xuquuqda uu dastuurka KMG ah ee dalku siinayo haweenka iyo halganka ay haweenku u soo galeen sidii dastuur lagu heli lahaa.

10/31/2012 2:41 AM EST
Arbaco, Oktoobar 31, 2012 (HOL) — Kooxo aan la garanayn ayaa xalay toogtay mid ka mid ah ciidamada booliiska Kenya mid kalena dhaawac u geystay kaddib markii ay rasaas ku fureen ciidamadan oo howlo ammaanka lagu adkeynayay ka waday bartamaha degmada Gaarsiga ee xarunta gobolka Waqooyi-bari Kenya.