3/29/2024
Today from Hiiraan Online:  _
Wararka Maanta- Arbaco, Oct 31, 2012
Dableey hubeysan oo Askari ka tirsan Booliiska Kenya dilay mid kalena ku dhaawacay Magaalada Gaarisa ee Waqooyi-bari Kenya
Arbaco, Oktoobar 31, 2012 (HOL) — Kooxo aan la garanayn ayaa xalay toogtay mid ka mid ah ciidamada booliiska Kenya mid kalena dhaawac u geystay kaddib markii ay rasaas ku fureen ciidamadan oo howlo ammaanka lagu adkeynayay ka waday bartamaha degmada Gaarsiga ee xarunta gobolka Waqooyi-bari Kenya.

Dad goobjoogayaal ahaa ayaa ayaa saxaafadda u sheegay in askartan meelo fog laga toogtay, taasna ay keentay in mid ka mid ah uu isla goobta ku dhinto halka midka kalena loo qaaday isbitaalka halkaasoo lagu daweynayo.

"Askari ayaa la toogtay mid kalena dhaawaca ayaa loogu geystay Gaarisa, waxaana socda baaritaanno lagu raadinayo kuwii falkaas geystay," ayuu yiri guddoomiyaha magaalada Gaarisa Maxamed Macallin oo saxaafadda la hadlayay.

Toogashadan lagu dilay askariga midka kalena lagu dhaawacay ayaa waxay kusoo beegmaysaa iyadoo dalka Kenya ay kusoo kordhayaan falalka amman-darro ee ay geysanayaan kooxo aan la garanayn, balse ay dowladdu ku sheegtay inay xiriir la leeyihiin Al-shabaabta Soomaaliya.

"Xaaladdu mar qura ayay isbedeshay, dadkii oo dhan way kala carareen markii ay toogashadu dhacday, xalay oo dhan waxaa magaalada ku sugnaa ciidammo badan balse saakay xaaladdu waa mid deggen," ayuu yiri Nuur Cumar oo ka mid ah dadka degmadaas ku nool.

Guddoomiyaha Gaarisa, Maxamed Macallin ayaa sheegay in magaalada ay ku sugan yihiin dad hubeysan oo toogasho u geysanaya ciidamada ammaanka, isagoo xusay inay qaadi doonaan tallaabooyin ay kusoo qabqabanayaan dadkaas hubeysan.

Bartamihii bishan ayay ahayd markii sidan oo kale toogasho lagu dilay laba askari oo ka tirsan ciidamada ilaalada ammaanka ee Kenya oo howlo nabadda lagu sugayay kawaday magaalada Gaarisa, waxaana xilligaas oo habeen ahayd ay ku jireen.

Falalka ammaan-darro ayaa ka billowday magaalooyinka Kenya markii kumannaan ka tirsan askarta Kenya ay gudaha u galeen Soomaaliya bishii Oktoobar ee sanadkii hore si ay ula dagaalamaan Xarakada Al-shabaab oo ay ku eedeeyeen inay mas'uul ka yihiin afduubyo iyo dilal ka dhacay gudaha Kenya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/31/2012 8:07 AM EST
Arbaco, Oktoobar 31, 2012 (HOL) — Maxkamadda gobolka Banaadir ayaa maanta ku ridday xukunno isugu jira xabsi iyo lacag ganaax ah laba nin oo bishii September ee lasoo dhaafay lagu qabtay qamri iyo xashiis fara badan, iyadoo xukunka labadan ruux lagu dhawaaqay markii dhageysiga dacwaddooda ay dhammaatay.

10/31/2012 6:38 AM EST
Arbaco, Oktoobar 31, 2012 (HOL) — Cutubyo ka tirsan ciidamada dowladda Jabuuti ee qeybta ka ah howlgalka midowgga Africa ee AMISOM ayaa maalintii shalay gaaray magaalada Baladweyne ee xarunta gobolka Hiiraan.

10/31/2012 6:36 AM EST
Arbaco, Oktoobar 31, 2012 (HOL) — Askari ka tirsan ciidamada maamulka gobollka Hiiraan ayaa maanta bartamaha magaalada Baladweyne toogasho ku dillay taliyihii howlgalinta ciidamada maamulka Muumin Maxamed Maxamuud.

10/31/2012 5:52 AM EST
Arbaco, Oktoobar 31, 2012 (HOL) —Maamulka KMG ee Degmada Kismaayo ayaa maanta kulan ugu yeeray ganacsatada reer Kismaayo, iyadoona kulanka uu ka dhici doono xarunta degmada Kismaayo.

10/31/2012 3:49 AM EST
Arbaco, Oktoobar 31, 2012 (HOL) — Iska-horimaad xooggan ayaa xalay fiidkii ku dhexmaray deegaanka Goof-guduud ee duleedka degmada Baydhabo ciidamada dowladda Soomaaliya iyo kuwa Itoobiya oo iskaashanaya iyo xoogagga Al-shabaab, iyadoo dagaalkan uu kusoo beegmay xilli ay ciidamada Itoobiya ka wadaan gobolka Bay dhaqdhaqaaqyo ciidan.

10/31/2012 3:38 AM EST
Arbaco, Oktoobar 31, 2012 (HOL) — Saddex qof oo kasoo jeeda hal qoys ayay xalay biriqi ku dishay deegaan ka tirsan degmada Ceeldheer ee gobolka Galguduud kaddib roobab xoog badan oo ka da'ay degmadaas, iyadoo sidoo kalena biriqdani waxay dhaawacday laba qof oo isla qoyskaas ka tirsan.

10/31/2012 3:22 AM EST
Arbaco, Oktoobar 31, 2012 (HOL) —Faahfaahin dheeri ah ayaa kazoo baxeyso qarax xooggan oo baramaha magaalada Kismaayo xalay lagula eegtay ciidamo katirsan kuwa dowladda oo wax ka iibsanayay goob Qaadka lagu iibiyo oo ku taal Xaafadda Calanleey.

10/31/2012 3:20 AM EST
Arbaco, Oktoobar 31, 2012 (HOL) — Ururka horumarinta haweenka Soomaaliyeed ee IIDA ayaa shalay oo Salaado ahayd kusoo bandhigatay xaruntooda Muqdisho buug ay ku faahfaahinayaan xuquuqda uu dastuurka KMG ah ee dalku siinayo haweenka iyo halganka ay haweenku u soo galeen sidii dastuur lagu heli lahaa.