3/29/2024
Today from Hiiraan Online:  _
Wararka Maanta- Axad, Nov 4 , 2012
Reer Finland oo soo dhaweyn weyn u suubiyey ciyaaryahankii Baanadir Telecom iyo Xulkii Qaranka Soomaaliyeed Abdulqaadir Mooge


Axad, November 04, 2012(HOL): Magaalada Helsinki ee wadanka Finland waxaa ka dhacay soo dhoweyn aad u weyn oo loo sameeyey cayaaryahanka weyn ee Abdulqadir Mooge oo u soo cayaaray kooxda Banaadir Telecom iyo Qaranka Somalia, iyadoo ay ku soo dhoweeyeen Finland dhammaan bahda Isboortiga ee reer Finland oo ay horkacayeen ururka dhaqanka iyo isboortiga ee Helsinki.

 

Mr. Mooge oo ay weheliyeen safarkiisa 20 shaqsi oo ka kala yimid wadanka UK khaasatan waqooyiga London ayaa ahayd mid aan hore loogu arag magaalada Helsinki taasoo muujineysa wanaaga iyo saaxiibtinimada uu muteystay Mr. Mooge.

 

Guddoomiyaha Ururka Dhaqanka iyo Isboortiga Finland Mr Imad ayaa waxaa uu ii sheegay inuu ku faraxsanyahay in uu halkan kusoo dhaweeyo wafdigan aad u balaaran oo isugu jira ciyaaryahanadii xulka qaranka iyo kuwii heerka koowaad ee barisamaadka,casumaada aan u fidinay walaaleheen reer London waa wax ay naga mutaysteen haddii aan nahay ururka dhaqanka iyo isboortiga Filand waxaan had iyo goor diyaar u nahay inaan sidaan iyo ka fiican usoo dhaweyno.

 

Soo dhaweyntan loo suubiyey Mr.Mooge iyo dhamaan wafdigii cuslaa ee lasocdey ayaa waxaa ay intii ay kusugnaayeen magaalada Helsinki ee wadanka Finland waxaa loo suubiyey casumaado kala duwan oo ay ka mid ahaayeen ciyaaro iyo iyaga oo soo booqdey goobo loogu talagalay dalxiisayaasha waxaa kaloo ka mid ahaa kuwo lagu abaal marinayey Mooge iyo wafdigiisa sidoo kalana isdhexgalka iyo isboortiga lagu hormarinayey.

 


Ururka Kanava ayaa ka mid ahaa dadkii u suubiyey casumaada Mr. Mooge iyo wafdigiisa iyaga sidoo kalana u suubiyeen casho sharaf halkaasna weliba ay ku gudoonsiiyeen abaalmarin.

 

Maalintii labaad ee Jimcaha  ayaa waxaa ay ahayd maalin martisharaftii ka timid London lageeyey goob isboorti oo lahayd dabaasha iyo welib SAUNA oo uu wadanka Finalnd can ku yahay,martida ayaa intaas ka dib ayaa marti sharaftii waxaa lageeyey casho sharaf gooni ah oo uu ugu talagalay ururkii casumay ee ururka dhaqanka iyo isbooriga Finland.

 

Runtii barnaamijyada loogu talagalay Mr Mooge iyo asxaabtiisa aad ayey u farabadnaayeen iyadoo isla markaa ay jireen cayaaro lagu maamusayey cayaaryahanka Mooge oo ay ka qeyb galeen seddex koox oo isku haleeley garoon da’dan oo ku yaala xaafadaha Somalidu ay degaan ee Helsinki koobkaas oo ay ku guuleysteen kooxdii uu watay gudoomiyaha ururka dhaqanka iyo isbbortiga ee Finland Mr Axmed Abdullahi Maxamuud “Imad”

 

Habeenkii sabtida waxaa loo sameeyey casho sharaf ay soo abaabuleen ururka dhaqanka kaasoo ka dhacay resturant aad u weyn oo ku yaala bartamaha Helsinki waxaaana ka soo qeyb galay dad aad u farabadan oo ka kala yimid Finland,Sweden iyo UK.

 


Ugu dambeyntii waxaa dhacay wada hadal ama debate looga hadley horumarinta isboortiga Somalia iyo sidii wax loogu qaban lahaa naadiyada ka dhisan gudaha Somalia,wada hadalkaan oo ahaa mid aad u xiiso badan waxaa ka qeyb galay Gudoomiyaha Seuki 2013 isla markaana xubin ka ah GOS Mr Faysal Faarax Makaraan, ,waxaa bilado iyo koobab lagu gudoonsiyey dhamaan asxaabta Waqooyiga London ee la timid Mr Mooge iyo sida wanaagsan ee loogu soo dhoweeyey bahda isboortiga ee UK.








Abdiaziz Godah

[email protected]
Helsinki - Finland













Click here
11/4/2012 11:08 AM EST
Axad, November 05, 2012(HOL): Ra’iisal Wasaraha Xukuumadda Soomaaliya Cabdi Faarax Shir-doon (Saacid) ayaa maanta soo magacaabay Xubno wasiirro ah oo ka mid ah noqon doona Xukuumaddiisa.

11/4/2012 7:43 AM EST
Axad, November 04, 2012 (HOL) — Xildhibaanadda golaha Wakiilada iyo Guurtidda ee gobolada Awdal iyo Selel, ayaa sheeegay in cabasho ay u gudbiyeen madaxweynaha Somaliland aanay wax jawaab ah ka helin, isla markana ay hawadda u marinayaan cadaaladda darada ay ka tirsanayaan xukuumadda Madaxweyne Axmed Siillaanyo.

11/4/2012 7:39 AM EST
Axad, November 04, 2012 (HOL) — Ciidamada dowladda Soomaaliya ayaa howgallo ay maanta ka sameeyeen jidka isku xira Muqdisho iyo Afgooye illaa degmada Marko ayaa waxay ku qabqabteen rag hubeysan oo ay sheegeen inay qaarkood wateen tuutaha ciidamada xoogga dalka.

11/4/2012 7:23 AM EST
Axad, November 04, 2012 (HOL) — Gobolka Togdheer deegaano ka tirsan, ayaa waxa ka da’ay roobab dabaylo wata oo waxyeelo u geystay dad iyo duunyadii deegaankaasi ku dhaqanaa.

11/4/2012 7:04 AM EST
Axad, November 04, 2012 (HOL) — Tiro Soomaali ah ayaa la rumeysan yahay inay ku dhinteen dooni ku dagtay biyaha u dhexeeya dalalka Talyaaniga iyo Liibiyo, iyadoo la helay maydadka saddex qof oo Soomaali ah.

11/4/2012 7:03 AM EST
Axad, November 04, 2012 (HOL) — Munaasabad ballaaran oo tababar ciidan loogu soo xirayay ku dhowaad 700 oo askari ayaa shalay gelinkii danbe ka dhacay degmada Doolow ee gobolka Gedo iyadoona munaasabaddaasi ay goobjoog ka ahaayeen saraakil katirsan ciidamada dowladda iyo kuwa Itoobiya.

11/4/2012 6:22 AM EST
Axad, November 04, 2012 (HOL) — Madaxweynaha Soomaaliya,Xasan Sheekh Maxamuud ayaa maanta kulan kula yeeshay garoonka diyaaradaha Muqdisho ee Aadan Cadde wafdi ka socda dalka Mareykanka oo ay hoggaaminaysay, Windhi Sherman oo ah xoghaye hoose oo ka tirsan wasaaradda arrimaha dibadda Mareykanka.

11/4/2012 5:52 AM EST
Axad, November 04, 2012 (HOL) — Is-rasaaseyn qaddar daqiiqado ah socotay ayaa xalay ka dhacday saldhigga booliska degmada Qardho ee xarunta gobolka Karkaar, kaddib markii koox dabley ahi ay weerar gaadmo ah kusoo qaadeen.

11/4/2012 5:27 AM EST
Axad, November 04, 2012 (HOL) —Ugu yaraan 11 qof ayaa ku dhimatay qarax bambaano oo maanta lala eegtay Kaniisad ay dad badan isugu yimaadeen oo ku taal magaalada Garissa ee Xarutna gobolka waqooyi bari Kenya.

11/4/2012 2:26 AM EST
Axad, November 04, 2012 (HOL) — Dowladda Soomaaliya ayaa sheegtay in xaalad adag uu dalku galayo haddii ay xukuuumadda Uganda ka dhabeyso go'aankeeda ah inay Soomaaliya kala baxayso ciidamadeeda qaybta ka ah howgalka AMISOM ee lagula dagaalamayo Al-shabaab.

11/4/2012 1:51 AM EST
Axad, November 04, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) ayaa lagu wadaa in gallinka dambe ee maanta oo Axad ah uu ku dhawaaqo golaha cusub ee wasiirrada Soomaaliya, kuwaasoo magacaabistooda uu dhowr jeer dib u dhac uu ku yimid.