3/29/2024
Today from Hiiraan Online:  _
Wararka Maanta- Khamiis, Nov 29, 2012
Ciidamada Somaliland iyo xoogagga Khaatumo oo ku dagaalamay Deegaanka Xudun oo ka tirsan Gobolka Sool

Khamiis, November 29, 2012 (HOL) — Ugu yaraan lix qof oo labada dhinac ah ayaa ku dhintay toban kalena way ku dhaawacmeen dagaal Arbacadii shalay deegaanka Xudun ee gobolka Sool ku dhexmaray ciidamada Somaliland iyo ciidamada Khaatumo oo diidanaa in doorasho ay halkaas ka dhacdo.

Ilo wareedyo ayaa sheegaya in lixda qof ee ku dhintay dagaalka ay kala ahaayeen laba ka tirsan ciidamadii Khaatumo iyo afar askari oo kuwa Somaliland ah, iyadoo ay labada dhinac ay dagaalka u adeegsadeen hubka culus iyo midka fudud.

Wararka ayaa waxay intaas ku darayaan in shan ka mid ah dadkii ku dhaawacmay dagaalka ay ahaayeen ciidamadii dagaalku u dhexeeyay; halka shanta kalena ay ahaayeen dadka shacabka ah ee deegaanka deggen.

"Dagaalku wuxuu qarxay markii ciidammo ka tirsan kuwa Somaliland ay isku dayeen inay sanaadiiqda doorashada dhigaan deegaanka Xudun, khasaare badan ayaana ka dhashay dagaalkaas oo xaaaladii deegaanka bedelay," ayuu yiri goobjooge ku sugan deegaanka Xudun oo uu dagaalku ka dhacay.

Maalmihii lasoo dhaafay ayaa waxay dadka ku nool deegaanno ka tisan gobollada Sool iyo Sanaag ay dhigayeen dibadbaxyo ay uga soo horjeedaan doorashada, iyagoo sheegay in dadkii uga qaybgeli lahaa deegaannadooda laga saraay liiska taasna ay tahay sababta ay dibadbaxyada u dhigayaan.

Deegaanno kale oo ku yaalla gobolka Sanaan ayaa waxaa ka jiray xiisado salka ku haya doorashada oo u dhexeeya Somaliland iyo Puntland oo isku haysta deegaanno ka tirsan gobolkaas, iyadoo qaybo ka mid ah deegaannadaas laga codeeyay halka kuwo kalena aan laga codeyn.

Horraantii toddobaadkan wasiirka warfaafinta wasiirka warfaafinta Puntland, Max'ud Caydiid Dirir ayaa uga digay Somaliland inay ka digtoonaato inaysan doorasho ka sameyn deegaannada lagu muransan yahay ee ku yaalla gobollada Sool iyo Sanaag.

Illaa sannadkii 2002 ayaa waxaa maamullada Somaliland iyo Puntland u dhexeeyay dagaallo salka ku haya maamulidda deegaanno ku yaalla gobollada Sool iyo Sanaag oo maamul walba uu sheeganayo inuu isagu maamulo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/29/2012 8:44 AM EST
Khamiis, November 29, 2012 (HOL) — Munaasabad maanta loo qabtay 650-arday oo ka qalin-jabinayay jaamacada SIMAD ayaa lagu qabtay hoteelka City Palace ee magaalada Muqdisho kuwaasoo isugu jiray wiilal iyo gabadho da'yar, waxaana munaasabadda ka qayb-galay maamulka sare ee jaamacada, macallimiinta, ardayda, waalidiin iyo dadweyne kale oo lagu casuumay.

11/29/2012 7:58 AM EST
Khamiis, November 29, 2012 (HOL) — Saraakiil ka tirsan Ahlusunna oo maanta shir jaraa'id ku qabtay Muqdisho ayaa sheegay in ciidamada Ahlusunna si rasmi ah loogu wareejinayo dowladda Soomaaliya, iyagoo xusay in dagaalkii ay soo galeen uusan ahayn mid ay ku doonayaan inay noqdaan urur gooni-u-goosad ah.

11/29/2012 7:35 AM EST
Khamiis, November 29, 2012 (HOL) — Kulan golaha wasiirrada Soomaaliya ay ku yeesheen maanta xaruntooda Muqdisho ayay kasoo saareen qodobbo ay ka mid yihiin in la adkeeyo ammaanka caasimadda Soomaaliya, sidoo kalena dowladdu ay is le'ekeyso dhaqaalaha kasoo xarooda dekedda iyo gasroonka diyaaradaha Muqdisho.

11/29/2012 6:06 AM EST
Khamiis, November 29, 2012 (HOL) — Askari ka tirsan ciidamada dowladda Somalia ayaa haweeney rakaab ahayd dilay, saddex qof oo kale ku dhaawacay rasaas uu si bareer ah ugu furay gaari kuwa dadweynaha ah oo marayay agagaarka tarabuunka Muqdisho.

11/29/2012 5:51 AM EST
Khamiis, November 29, 2012 (HOL) — Iskahorimaad u dhexeeya ciidamada AMISOM iyo xoogagga Al-shabaab ayaa maanta ka dhacay deegaanno ka tirsan gobolka Shabeellada hoose, iyadoo sidoo kale nin bam ku hubeysan uu qarax ku weeraray ciidammo ka tirsan kuwa AMISOM oo ku sugan degmada Marko.

11/29/2012 4:15 AM EST
Khamiis, November, 29, 2012 (HOL) – Maalintii shalay waxaa booqasho ku tagay magaalada Baladweyne ee xarunta gobollka Hiiraan wafdi ka socday xukuumada Soomaaliya oo sidoo kalana ay ka mid ahaayeen xildhibaanno ka tirsan baarlamaanka.

11/29/2012 2:09 AM EST
Khamiis, November 29, 2012 (HOL) — Ra'iisul wasaaraha Itoobiya, Hailemariam Desalegn ayaa sheegay Arbacadii shalay in ciidamada Itoobiya ay sii joogi doonaan Soomaaliya inta ay goobaha ay hayaan kaga wareejinayaan ciidamada Midowga Afrika ka socda ee AMISOM.