3/29/2024
Today from Hiiraan Online:  _
Wararka Maanta- Arbaco, Nov 28, 2012
Dagaal culus oo Ciidamada Dowladda Soomaaliya iyo kuwa Al-shabaab ku dhexmaray Duleedka Degmada Balad-Xaawo
Arbaco, November 28, 2012 (HOL) — Iska-horimaad sababay khasaare nafeed ayaa maanta oo Arbaco ah ku dhexmaray duleedka degmada Balad-Xaawo ee gobolka Gedo ciidamada dowladda Soomaaliya iyo xoogagga Al-shabaab, iyadoo mas'uuliyiin u hadlay dowladda Soomaaliya ay guulo ka sheegteen dagaalka.

Dagaalkan oo socday muddo saacad ku dhow ayaa la sheegay inay ku dhinteen laba ka mid ah dhinacyadii dagaalku u dhexeeyay, halka ay ku dhaawcmeen tiro intaas ka badan, iyadoo dagaalku uu si iskiis ah u joogsaday.

"Kooxo ka tirsan Al-shabaab oo isku urursanayay duleedka degmada ayay ciidanka dowladdu weerar ku qaadeen wayna kala eryeen, xaaladduna waa mid deggen," ayuu yiri Diyaad Cabdi Kaliil oo ka mid ah saraakiisha dowladda ee ku sugan gobolka Gedo.

Sarkaalku wuxuu intaas ku daray in ciidamada dowladda ay ku sugan yihiin goobihii lagu dagaalamay, inkastoo uu ka gaabsaday inuu sheego khasaaraha ka dhashay dagaalka, balse dad goobjoogayaal ah ayaa sheegay inay arkeen maydadka labo ka mid ah dhinacyadii dagaalamay.

Xarakada Al-shabaab ayaan weli ka hadlin dagaalka, balse dadka ku sugan gudaha degmada Baladxaawo ayaa soo sheegaya inay arkeen dhaawacyada askar ka tirsan dowladda oo degmadaas la geeyay, xaaladduna ay hadda tahay mid deggen.

Dagaalkan ayaa imaanaya iyadoo maalmo ka hor ay degmadaas muddo kooban la wareegeen xoogagga Al-shabaab kaddib markii ay weerar gaadmo ah ku qaadeen, waxaana degmadan oo xadka Kenya iyo Soomaaliya ku taalla ay dhowr jeer kala qabsaday dhinacyada dagaalamaya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/28/2012 12:28 PM EST
Arbaco, November 28, 2012 (HOL) —Madaxweeynaha Jamhuuriyadda Federaalka Soomaaliya Mudane Xasan Sheekh Max’uud iyo wafdigii uu hogaaminayay oo saaka ka ambabaxay Dalka Jabuuti ayaa galabta gaaray magaalada Adisababa ee dalka Itoobiya

11/28/2012 7:55 AM EST
Arbaco, November 28, 2012 (HOL) — Madaxweynaha Dowladda Soomaaliya, Xasan Sheekh Maxamuud iyo wafdi uu hoggaaminayo oo maalmihii lasoo dhaafay safar ku joogay dalka Jabuuti ayaa sheegay in safarka ay ku tageen Jabuuti uu isugu jiro laba qodob oo kala ah: maadcelin iyo inay tusaale ka dhigtaan sida dalkaas yar uu u shaqeynayo.

11/28/2012 6:39 AM EST
Arbaco, November 28, 2012 (HOL) — Guud ahaan gobolada iyo degmooyinka Somaliland waxa si weyn loogu dareeray sidii dadweynuhu ugu codayn lahaayeen musharaxiinta ka sharaxan degmooyinkooda, waxaanay Dadweynuhu saaka arooryadii hore safaf dhaadheer u galeen goobaha laga codaynayo, iyagoo si degan ugu jira sefefka una samraya cadceedda kulul iyo wakhtiga dheer ee ay ku jiraan safafka.

11/28/2012 6:17 AM EST
Arbaco, November 28, 2012 (HOL) — Ergayga xoghayaha guud ee qaramadda midoobay u qaabilsan Soomaaliya Dr: Augustine Mahiga, ayaa ka raali galiyey madaxweynaha iyo shacabka Somaliland warqad ka soo baxday xafiiskiisa oo uu madaxweynaha Somaliland si weyn u qoonsaday kuna tilmaamay mid gef ku ah qaranimadda Somaliland.

11/28/2012 6:00 AM EST
Arbaco, November 28, 2012 (HOL) — Maamulka degmada Dharkeynley ee gobolka Banaadir ayaa sheegay inay ku guuleysteen inay degmadaas ka qaadaan isbaarooyin yaallay, waxayan dowladda ka dalbadeen inay degmadaas geysto ciidammo ka hortaga in isbaarooyinka lasoo celiyo.

11/28/2012 3:24 AM EST
Arbaco, November 28, 2012 (HOL) — Wasiirka Gaashaandhigga Jamhuuriyadda federaalka Soomaaliya Mudane C/xakiin Xaaji Fiqi ayaa kulan la qaatay dhigiisa dalka Jabuuti, C/qaadir Kaamil Maxamed waxayna labadani masuul ka wada hadleen arimo ku saabsan iskaashiga labada dal.

11/28/2012 3:15 AM EST
Arbaco, November 28, 2012 (HOL) — Hay'adda Laan-Qeyrta Cas ee (ICRC) ayaa soo gabgabeysay raashin qaybin ay kawadday gobollada Koonfurta Soomaaliya, iyadoo sheegtay in deeqdaas ay ka faa'iideysteen 170,000 oo qof oo ku nool gobollada Jubbada Hoose iyo Gedo.

11/28/2012 3:14 AM EST
Arbaco, November 28, 2012 (HOL) — Maamulka Xarakada Al-Shabaab ee degmada Baardheere ayaa sheegay inay saaka gacanta ku dhigeen labo dhalinyaro oo ka yimid dhinaca degmada Mandheera ee dalka Kenya, kuwaasoo ay ku sheegeen inay yihiin basaasiin u adeegaya Kenya.

11/28/2012 2:40 AM EST
Arbaco, November 28, 2012 (HOL) — Qof ku hubeysnaa qoriga AK-47 ayaa fiidnimadii xalay ku toogtay magaalada Baladweyne sadax ruux oo rayid ah, kuwaasoo ka mid ahaa ganacsatada ku dhaqan magaalada.