8/9/2020
Today from Hiiraan Online:  _
Wararka Maanta- Isniin, Nov 26, 2012
Xildhibaannada Baarlamaanka oo Ansixiyay Misaaniyadda uu Baarlamaanku ku shaqeynayo sannadka soo socda


Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

Kulankii maanta ayaa waxaa xaadiray 176 xildhibaan, iyadoo intii aan codka loo qaadin miisaaniyaddu ay ka doodeen miisaaniyada, waxaana maalmihii ugu dambeeyay ay ka doodayeen mudanayaashu miinaasiyadda uu baarlamaanku ku shaqeyn doono.


Mudanayaal ka mid ahaa kuwii kulanka ka qaybgalay ayaa markii ay dibadda u soo baxeen u xaqiijiyay saxaafadda in miisaaniyadda la ansixiyay, iyagoo sheegay in 110 mudane oo ka mid ahaa xildhibaannadii kulanka soo xaadiray

Sidoo kale, xildhibaannadu waxay sheegeen in sagaal mudane ay diideen in la ansixiyo miisaaniyadda iyadoona ay ka aamuseen inta kale, waxaana markaas kaddibna uu guddoonka baarlamaanku ku dhawaaqay inay ansax tahay miisaaniyadda.


Miisaaniyaddan oo ah in ka badan $14,000,000 (14 Milyan oo Dollar) ayaa waxay noqonaysaa tii ugu horreysay oo baarlamaanku uu ansixiyo inuu ku shaqeynayo sannadka soo socda, iyadoo sidoo kale uu horay u ansixiyay miisaaniyadda ay dowladdu ku shaqeynayso bilaha sannadkan ka haray.

Xildhibaannada baarlamaanka Soomaaliya oo lasoo xulay bishii Ogoosto ee sannadkan ayaa waxay soo doorteen madaxweynaha Soomaaliay, sidoo kalena waxay ansixiyay ra'iisul wasaaraha iyo xukuumaddiisa.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.