3/28/2024
Today from Hiiraan Online:  _
Wararka Maanta- Isniin, Nov 26, 2012
Odoyaasha Dhaqanka Gobolka Hiiraan oo doortay guddoomiye iyo waddooyin xirnaa oo dib loo furay (SAWIRRO)


Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

Munasabadda oo ay goob joog ka ahaayeen 62 xubnood ee gollaha odayaasha dhaqanka gobollka, waxaa ka qeyb-galay mas’uuliyiinta maamulka gobollka Hiiraan iyo saraakiisha ciidamada Jabuuti ee howlgalka Midowgga Africa.

Guddoomiyaha gobollka Hiiraan C/fitaax Xassan Afrax oo munaasabadda ka hadllay ayaa ugu hanbalyeeyay odayaasha dhaqanka hogaanka cusub oo ay sameysteen, isaga oo sheegay in maamulka gobollka Hiiraan uu si buuxda ula shaqeynayo gollaha odayaasha dhaqanka.

‘’Odayaasha waa saldhiga nabad-galyada, waxaan rabnaa maamulka, odayaasha iyo saraakiisha AMISOM oo isku duuban in aynu ka wada shaqeyno sugidda amniga magaalada," ayuu yiri guddoomiyaha gobollka Hiiraan.

Gollaha odayaasha dhaqanka gobollka Hiiraan afartii sano ee la soo dhaafay si toos ah uma aysan shaqeyn sababtoo ah waxaa mamnuucay maamulkii Al-shabaab ee ka arimin jiray magaalada, laakiin hadda waxaa muuqata in mar kale uu doorkoodii dib u soo noolaanayo.

Col Cismaan Dubad oo ka mid ah saraakiisha ciidamada Jabuuti ee ka howlgala magaalada Baladweyne ayaa sheegay in dhinciisa uu siweyn ugu faraxsan yahay ka qeyb-galka munaasabad ay odayaasha dhaqanka ku sameysanayaan hogaan mid ah, waxaana uu intaa raaaciyay in AMISOM mar walba diyaar u tahay wada shaqeynta odayaasha.

"Dhinac kasta lagama maarmo odayaasha dhaqanka, si toos ah ayaan wada shaqeyn buuxda u yeelan doonnaa, waana arin lagu farxo in gollaha odayaasha dhaqanka oo dooranaya guddoomiye aan goob joog ka noqono, waxaan iska kaashan doonnaa dib u soo celinta nabad-galyada,’’ ayuu yiri Col Cismaan Dubad.

Shiikh Max’ed Shiikh Xusseen Maryacade oo loo doortay guddoomiyaha golaha odayaasha dhaqanka oo ka hadllay munaasabadda ayaa u mahad celiyay dhamaan odayaasha dhaqanka gobolka, isaga oo sheegay in si daacad ah uu u gudan doono waajibaadka la saaray.

Dhinaca kale, mas’uuliyiinta maamulka gobollka Hiiraan oo uu horkacayo guddoomiyaha gobollka ayaa maanta ka qaaday bartamaha magaalada Jidgooyo dhowr ah oo ay horay u dhigeen ciidamada dowladda Itoobiya waqtigii ay magaalada soo galeen, si aysan gadiidka u isticmaalin agagaarka xarumaha ay daganaayeen.

Guddoomiyaha gobollka Hiiraan C/fitaax Xassan Afrax oo wehliyaan saraakiisha AMISOM ayaa la arkayay isaga oo gacatiisa ku qaadaya Taayaro iyo wax yaabo kale oo wadada ku go’naa, wuxuuna sheegay in wixii hadda ka danbeeya gadiidka iyo dadweyaha si caadi u isticmaali karaan wadada dheer ee dhexmarta bartamaha magaalada Baladweyne.

Ugu danbeytii doorashada guddoomiyaha odayaasha dhaqanka iyo howlgalkan lagu bur buriyay Jidgooyooyinkii yaalay bartamaha magaalada ayaa ku soo beegmaya xili saraakiisha maamulka gobollka Hiiraan iyo kuwa AMISOM ay siweyn ugu howlanaayeen maalmihii ugu danbeeyay xaqiijinta amaanka magaalada Baladweyne.





C/raxmaan Diini, Hiiraan Online
[email protected] 
Baladweyne, Soomaaliya













Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.