8/9/2020
Today from Hiiraan Online:  _
Wararka Maanta- Isniin, Nov 26, 2012
Ururrada Bulshada Rayidka ah oo loo qabtay kulan shacabka looga digay inay gabaad u noqon Xarakada Al-Shabaab



Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

Kulanka oo ay soo qabanqaabisay hay'adda CCD ayaa waxaa ka qaybgalay madax ka tirsan bulshada rayidka, sida haweenka, waxgaradka, culummo iyo dhallinyarada ka kala socotay bulshada qeybaheeda kala duwan kuwaasi oo tiradoodu ka badneyd 150-xubnood.

Guddoomiyaha ururrada bulshada, Muxudiin Xasan Afrax oo hadal ku furay ayaa sheegay in maanta ay gabagabo tahay halganka dalka looga saarayo kooxda Al-Shabaab.

"Waan wada ognahay wixii ay nasoo marsiiyeen Al-Shabaab, waxaana ka codsanayaa shacabka inaysan qarsan kooxdaas oo dhibaato ku ah dadka iyo dalka," ayuu yiri Afrax oo sheegay in shacabka looga baahan yahay inay ka qaybqaataan sidii loosoo qaban lahaa dembiilayaasha Al-Shabaab isla markaana ciidamada amniga loogu gacan gelin lahaa.

Maxamed Maxamuud Shamuuq, Guddoomiye ku-xigeenka dalladda bulshada rayidka ayaa isagu si gaar ah uga codsaday shacabka inay iska kaashadaan sidii loo cirib tiri lahaa loona soo qaqaban lahaa xoogagga Al-Shabaab ee weli ku sugan deegaannada ay dowladdu ka taliso.

"Annagu hadaan nahay aabayaasha waxba ma ogaan karno, si looga hor-tago fidnada kooxda Al-Shabaab waxaan ka codsanayaa hooyooyinka iyo caruurta xaafadaha jooga inay sheegaan haddii ay arkaan qof Al-Shabaab ka tirsan," ayuu yiri Shamuuq.

Sidoo kale, waxaa halkaasi khudbad gaaban ka jeediyay guddoomiyaha dhallinyarada dalladda ururrada bulshada rayidka ah, C/kariim Cabdulle Cali oo hoosta ka xariiqay in haddii ay yihiin ururrada bulshada bulshada rayidka ah ay soo jeedinayaan in loo caqli celiyo dhallinyarada la lumiyay.

C/kariin Cabdulle wuxuu hadalkiisa ku daray in ururrada bulshada rayidka ah ay la xisaabtamaan hay'adaha amniga ee dowladda isla markaana ay la shaqeeyaan sidii loo cirib-tiri lahaa haraadiga Al-Shabaab.

Ugu dambeyntii, waxaa xiritaankii kulanka ka hadlay, guddoomiye xigeenka golaha dhaqanka, Sheekh Abuukar Axmed Gaabow, isagoo qaybihii kasoo qaybgalay kulanka kula dardaarmay inay dhigooda gaarsiiyaan waxyaabihii ay kororsadeen.

Hadalkii uug dambeeyay ayaa waxaa jeediyay, Ugaas Warsame Cali Suuley isagoo shacabka ku boorriyay inay midoobaan si ay uga hortagaan kooxda Al-shabaab oo uu ku sheegay kuwo nabadda kasoo horjeeda.






Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.