8/9/2020
Today from Hiiraan Online:  _
Wararka Maanta- Isniin, Nov 26, 2012
Iska-horimaad khasaare dhaliyay oo Booliiska Puntland iyo Kooxo Hubeysan ku dhexmaray Magaalada Gaalkacyo


Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

Xilli ay ciidamadu howlgal ka sameynayeen agagaarka masjidka Salaaxuddiin ayaa weerar gaadmo ah lagu soo qaaday, waxaana rasaasta ay labada dhinac is-weydaarsanayeen ku dhaawacmay labo qof oo rayid ah.

Labadan qof oo midkood ay haweeney tahay, islamarkaana dhaawacyada soo gaarey ay ahaayeen kuwa culus, waxay wararkii ugu danbeeyey ee ay shabakadda HOL magaalada Gaalkacayo ka heshay tibaaxayaan in mid kamid ahi uu geeriyoodey.

Dhacdadaas kadib ayaa waxaa aagga xiray ciidamada Booliska, waxayna sameeyeen baaritaanno lagu raadgoobayey dableydii weerarka soo qaadday, inkasta oo aysan ku guuleysan in ay falkaas cid usoo qabtaan.

Xaaladda ayaa saaka ah mid deggen, mana jiro wax war ah oo arintaas la xiriira oo kasoo baxay dhinaca saraakiisha Booliska, iyadoo xiriiro badan oo aan la samaynay ay noo suurta geli weydey in aan faahfaahin dheeri ah ka helno.

Talaadadii lasoo dhaafay ayey ahayd markii  isla-agagaarka masjidka Salaaxuddiin ee xaafadda Garsoor ee magaalada Gaalkacayo lagu diley Nabadoon si weyn gobolka Mudug looga yaqaaney oo lagu magacaabi jirey Aadan Faarax Dheere nin kalena lagu dhaawacay.

Waxayna arimahani kusoo aadayaan xilli bilihii u danbeeyey ay magaalada Gaalkacayo soo gaareen ciidamo badan oo ka yimid dhinaca gobolka Nugaal, ujeedada ugu weyn ee loo keenayna ay ahayd sidii ay ula dagaalami lahaayeen kooxaha burcad-badeedka ah ammaankana u sugi lahaayeen.

Maxamed Salaad Xaaji Dirir, Hiiraan Online
[email protected]
Puntland, Soomaaliya








Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.