3/28/2024
Today from Hiiraan Online:  _
Wararka Maanta- Arbaco, Nov 21, 2012
Maxkamadda Ciidamada Qalabka Sida ee Dowladda Soomaaliya oo Xabsiga u Taxaabtay Wariyihii BBC ee Magaalada Muqdisho
Arbaco, November 21, 2012 (HOL) — Maxkamadda ciidamada qalabka sida ee dowladda Soomaaliya ayaa maanta xabsiga dhigtay wariye Ibraahim Maxamed Aadan oo ahaa wariyihii BBC-da laanta afka Soomaaliga uga warrami jiray magaalada Muqdisho ee xarunta Soomaaliya.

Ciidammo milateri ah ayaa wariyaha xabsiga u taxaabay maanta iyadoo aan si dhab ah loo ogeyn sababta loo haysto, balse warar ayaa sheegaya in wariyahan loo xiray banaamij ku saabsan sharciga, gaar ahaan hab-dhaqanka maxkamadda oo uu kasii daayay laanta afka Soomaaliga ee BBC-da.

"Wariye Ibraahim Maxamed Aadan waxaa kaxeystay ciidammo milateri ah, waxaana loo qaaday dhinaca xabsiga weyn ee Muqdisho halkaasoo lagu xiray," ayuu yiri Cali Baashi oo ka mid ah wariyeyaasha ka howgala Muqdisho oo markii la xirayay wariye Ibraahim la socday.

Xariga wariyaha ayaa la sheegay inuu amray guddoomiyaha maxkamadda ciidamada dowladda Soomaaliya, Liibaan Cali Yaroow iyadoo wariyahan uu sare u qaadayo wariyeyaasha ay dowladda Soomaaliya ku xirtay Muqdisho sannadkan 2012.

Ururro u dooda xuquuqda suxufiyiinta Soomaalida ayaa dadaal ugu jira sidii lagu soo dayn lahaa wariye Ibraahim, iyadoo xabsiga wariyahan uu caddeyn u noqonayo inay adag tahay in wariyeyaashu ay ka shaqeeyaan Soomaaliya, gaar ahaan Muqdisho.

Sannadkan 2012 oo keliya ayaa lagu dilay Soomaaliya 18 wariye kuwaasoo intooda badan lagu dilay Muqdisho, waxaana sidoo kale lagu dhaawacay tiro aad u badan, iyadoo sidoo kale xabsiga la dhigay in ka badan lixdameeyo wariye oo badankood lagu xiray Somaliland.

Soomaaliya ayaa ah dalka ugu khatarta badan calaamka ee suxuufiyiintu ay ka howgalaan, waxaana sannadihii ugu dambeeyay ay noqonayaan kuwii ugu badnaa ee dhibaatooyin loo geystay suxufiyiinta Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/21/2012 8:11 AM EST
Arbaco, November 21, 2012 (HOL) — Baarlamaanka dalka Kenya ayaa maanta ka dooday howgalladii ay ciidamada milateriga Kenya ka fuliyeen magaalada Gaarisa ee gobolka Waqooyi-bari Kenya, kaasoo ay dad ku dhinteen, kuwo kale ay dhaawacyo, sidoo kalena geystay burbur hantiyeed oo fara badan.

11/21/2012 7:07 AM EST
Arbaco, November 21, 2012 (HOL) — Tababar ku saabsan horumarinta ganacsiga bulshada ayaa maanta laga furay Muqdisho, kaasoo socon doono muddo shan casho ah oo ka billaabanaysa maanta kuna eg Axadda soo socota, waxaana ka faa'iideysan doona tababarka 19 qof oo ka socday shirkado ka howgala Soomaaliya.

11/21/2012 6:43 AM EST
Arbaco, November 21, 2012 (HOL) — Madaxweynaha Soomaaliya, Mudane Xasan Sheekh Maxmuud ayaa xarunta madaxtooyada Soomaaliya kula kulmay wafdi ka socday dalka Ingiriiska, isagoo ku wareejiyay dhul ay ka dhistaan safaaraddooda Soomaaliya.

11/21/2012 6:31 AM EST
Arbaco, November 21, 2012 (HOL) — Madasha bulshada rayidka Soomaaliya ayaa ka doodday lixdii qodob ee uu ku dhawaaqay madaxweynaha Soomaaliya kuwasaoo uu sheegay inay saldhig u noqon doonaan waxqabadka dowladdiisa, waxayna sidoo kale ugu hambalyeeyeen ra’iisul wasaare Soomaaliya, Cabdi Faarax Shir0doon (Saacid) sida uu uga gudbay hannaankii wax-qeybsi ee 4.5 iyo kaalintii uu xubnihii uu haweenka ka siiyay golihiisa wasiirradda oo ay sheegeen inay tahay mid aan horay loo arag.

11/21/2012 6:16 AM EST
Arbaco, November 21, 2012 (HOL) — Safaaradda Soomaaliya ay ku leedahay dalka Belgium ayaa ku guuleysatay inay xarunta safaaraddaas ka saarto dad si sharci daro ah kuu deggenaa muddo 18 sano ah, iyadoo arrintan ay timid kaddib markii ay maxkamadda Belgium go'aan ku gaartay in in dadka deggen xaruntaas safaaradda ay isaga baxaan.

11/21/2012 5:07 AM EST
Arbaco, November 21, 2012 (HOL) —Wararka aynu ka heleyno magaalada Kismaayo ayaa sheegaya in saaka aroortii uu dagaal xooggan ka dhacay deegaanka Yoontoy oo qiyaastii 25-KM dhanka waqooyi kaga began magaalada Kismaayo ee xarunta gobolka Jubada Hoose.

11/21/2012 5:06 AM EST
Arbaco, November 21, 2012 (HOL) — Xarakada Al-shabaab ayaa iska fogeysay inay mas'uul ka tahay weerarkii qaraxa ahaa ee Axaddii lasoo dhaafay ka dhacay Nairobi kaasoo ay dad badan oo shacab ah wax ku noqdeen.

11/21/2012 1:40 AM EST
Arbaco, November 21, 2012 (HOL) — Guddoomiyaha baarlamanka Soomaaliya, Prof. Maxamed Sheekh Cismaan (Jawaari) ayaa sheegay in toddobaadka soo socda ay xubnaha baarlamaanka Soomaaliya ansixin donaan xeer hoosaadka baarlamanka uu ku shaqeynayo afarta sano ee soo socota, iyadoo ay toddobadyadii lasoo dhaafay socdeen doodo ay xildhibaannadu ka yeelanayaan qodobbada xeer hoosaadka.

11/21/2012 1:36 AM EST
Arbaco, November 21, 2012 (HOL) — Wasiirka gaashaandhigga Kenya, Maxamed Yuusuf Xaaji ayaa gaaray magaalada Gaarisa ee gobolka Waqooyi-bari Kenya gallinkii dambe ee shalay oo Salaaso ahayd, iyadoo la sheegay in xaaladdu ay saakay tahay mid deggen.