3/28/2024
Today from Hiiraan Online:  _
Wararka Maanta- Axad, Nov 18, 2012
Garoon Diyaaradeed laga Dhisayo Degmada Ceelwaaq ee Gobolka Gedo

Axad, November 18, 2012 (HOL) — Dhismaha garoon diyaraadeed Cusub ayaa ka bilowday degmada Ceelwaaq ee gobolka Gedo, iyadoona dhismaha garoonkani ay iska kaashanayaan maamulka gobolka Gedo iyo hay’addo katirsan Qaramada Midoobay.

Dhaqaalaha ku baxayo dhismaha garoonka ayaa waxa iska kaashanayo  hay’adda cuntada aduunka ee WFP iyo ha'adda Sanduuqa badbaadinta dhallaanka ee UNICEF, waxaana howsha dhismuhu tahay mid shaqaalaha cunno loogu badalayo howsha ay qabtaan.

Gudoomiyaha degmada Ceelwaaq Ibraahim Guuleed Aadan ayaa dhagax dhigay dhismaha garoonka Cusub ee Ceelwaaq, waxaana uu sheegay in garoonkani uu noqon doono mid muhiimad gaar ah u leh gobolka Gedo.

Masuulkani ayaa sharaxaad ka bixiyay dhibaatooyinka dhanka nolosha ah ee ka jira gobolka Gedo, iyo weliba sida loogu baahanyahay in hay’adaha samafalku ay ka howlgalaan gobolka Gedo.

Gudoomiyaha ayaa sheegay in ammaanka degmooyinkii laga saaray Al-shabaab ee gobolka Gedo uu yahay mid la isku haleyn karo, islamarkaasina ciidamada dowladda ay gacan bir ah ku qabteen amniga guud ee degmooyinka gacantooda ku jira ee gobolka Gedo.

Dhismaha garoonkani cusub ee la filayo in laga hirgeliyo degmada Ceelwaaq ayaa waxaa si diiran usoo dhaweeyay shacabka ku dhaqan degmadaasi iyo deegaanada kale ee hoostaga.

Ciidamada dowladda Soomaaliya iyo kuwa Ahlusunna oo kaashanaya ciidamada  Kenya iyo Itoobiya ayaa maamula inta badan degmooyinka gobolka Gedo, waxaana xoogagga Al-shabaab ay imika gobolkaasi uga suganyihiin degmooyinka Buurdhuubo iyo Baardheere.

Xasan Nuur, Hiiraan Online
[email protected]
Kismaayo, Soomaaliya













Click here
11/18/2012 9:39 AM EST
Axad, November 18, 2012 (HOL) — Lix qof oo rakaab ay ayaa ku dhimatay kadib markii gaari nooca Rakaabka qaado uu ku qarxay nawaaxiga Kaniisad ku taal xaafadda Islii gaar ahaan nawaaxiga waaxda Sec1.

11/18/2012 6:53 AM EST
Axad, November 18, 2012 (HOL) — COL Cabaasi Ibraahim Gureey oo kamid ah saraakiisha hogaamisa ciidamada dowladda ee gobolka Gedo ayaa sheegay in shacabka Jubooyinka ay xaq u leeyihiin in ay iyaga soo dhistaan maamulkooda.

11/18/2012 5:21 AM EST
Axad, November 18, 2012 (HOL) — Afhayeenka Xarakada Al-shabaab, Sheekh Cali Maxamuud Raage (Sheekh Cali Dheere) ayaa ugu baaqay qurbo-joogta Soomaalida inay faraha kala baxaan siyaasadda dalka, isagoo uga digay inay dalalka reer galbeedku u adeegsadaan siyaasadda dalkooda.

11/18/2012 3:33 AM EST
Axad, November 18, 2012 (HOL) — Shirkadda isgaarsiinta Hormuud ayaa matoor dab-dhaliye ah ugu deeqday isbitaalka Masaarida ee magaalada Muqdisho, iyadoo maamulka isbitaalkaas uu soo dhaweeyay.

11/18/2012 3:19 AM EST
Axad, November 18, 2012 (HOL) — Ciidamada dowladda Soomaaliya oo gaadiidka dagaalka ayaa gaaray saakay oo Axad ah deegaanka Garsale oo ku dhow degmada Jowhar ee xarunta gobolka Shabeellada dhexe.

11/18/2012 3:18 AM EST
Axad, November 18, 2012 (HOL) — Dadweynaha ku nool degmada Gaarisa ee gobolka Waqooyi-bari Kenya ayaa ka cabanaya xaalado ammaan-darro oo kusoo kordhay degmadaas, kuwaasoo sababay in degmadaas lagu dilo dad badan oo ay ku jiraan saraakiil ka tisran booliiska Kenya.