3/29/2024
Today from Hiiraan Online:  _
Wararka Maanta- Sabti, Nov 17, 2012
Kulan Wadatashi ah oo dhex-maray Wasiirrada Xukuumadda Soomaaliya iyo Wasiirradii Xukuumaddii KMG ahayd
Sabti, November 17, 2012 (HOL) — Kulan wadatashi iyo isbarasho ah ayaa maanta dhexmaray wasiirradii hore ee xukuumaddii KMG ahayd iyo wasiirrada cusub iyadoo kulankan uu shir guddoominayay ra'iisul wasaaraha Soomaaliya, Cabdi Faarax Shir-doon.

Markii uu kulanku soo dhammaaday ayaa waxaa saxaafadda si wadajir ah ula hadlay wasiirka warfaafinta ee Soomaaliya iyo wasiikii hore ee warfaafhinta iyagoo xusay in kulanka uu ahaa mid ay labada dhinac ku kala dhegeysteen warbixinnno ayna isla garteen inay wadashaqeeyaan.

"Ujeeddada kulanka wuxuu ahaa mid ay wasiiradii hore iyo kuwa cusub ay isku baranayeen, waxaana looga hadlay wixii qabsoomay dhammaan qodobbadii looga hadlayna waa la isla gartay. Waana ku faraxsannahay kulanka aan la yeelanatay wasiirada cusub," ayuu yiri wasiirkii hore ee warfaafinta Soomaaliya, Cabduqaadir Xuseen Jaahweyn.

Wasiirkii hore ee warfaafinta ayaa sheegay in kulankan uu muujinayo sida ay uga go'an tahay xukuumadda cusub inay howlihii horay loosoo qabtay halkoosa uga sii wadaan, isagoo sheegay inay ka go'an tahay inay la shaqeeyaan golaha wasiirrada cusub ayna ku biirinayaan waayo-aragnimadoodii shaqo.

Intaas kaddib waxaa isna saxaafadda la hadlay wasiirka wafaafinta xukuumadda cusub ee Soomaaliya, C/llaahi Ciilmooge Xirsi isagoo sheegay in kulankan uu ahaa mid uu soo qabanqaabiyay ra'iisul wasaaraha ayna isku baraneyeen wasiirradii hore.

"Kulanka wuxuu ahaa mid isbarasho ah, sidoo kale ugu mahadcelinnay howshiis ay soo qabteen wasiirradii hore, taasoo aan dhihi karo waa midda sababtay in heerkan lasoo gaaro," ayuu yiri Ciilmooge oo intaas ku daray inay ka codsadeen wasiirradii hore inay la shaqeeyaan si waaya-aragnimadooda ugu biiriyaan.

Ugu dambeyn, wasiirka warfaafinta Soomaaliya wuxuu sheegay in howshu ay tahay mid qori isku dhiib ah; ayna u dhiibi doonaan qoriga xukuumadda ka dambeysa ee la soo magacaabo, isagoo xusay inay kasoo bixi doonaan howsha loo idmaday.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/17/2012 8:27 AM EST
Sabti, November 17, 2012 (HOL) — Wasiirka arrimaha dibadda ee dalka Jabuuti, Maxamuud Cali Yuusuf ayaa sheegay in Soomaaliya ay u baahan tahay balaayiin doollar si dib loogu dhiso, isagoo sheegay in lacagaha yaryar ee mar walba la sheego in loogu deeqay aysan waxba u tagayn Soomaaliya.

11/17/2012 7:23 AM EST
Sabti, November 17, 2012 (HOL) — Mark Bowden oo ah xiriiriyaha Qaramada Midoobay u qaabilsan gargaarka bani'aadamnimo ee Soomaaliya oo shir jaraa'id ku qabtay maanta magaalada Nairobi ayaa sheegay in 2.5 milyan qof oo Soomaali ah ay weli u baahan yihiin gargaar bani'aadamnimo.

11/17/2012 6:20 AM EST
Sabti, November 17, 2012 (HOL) — Hay'adda Wadahadalka Bulshada ee CCD ayaa maanta dood-cilmiyeed looga hadlayay gabdhaha khasab lagu guursado Muqdisho ugu qabatay haween ka kala socday 16-ka degmo ee gobolka Banaadir. iyadoo lagu falanqeeyay doodda sidii looga hortagi lahaa in gabadha si khasab ah loogu guuriyo qof aysan raalli ka ahayn.

11/17/2012 3:47 AM EST
Sabti, November 17, 2012 (HOL) — Ciidamada Soomaaliya iyo kuwa Midowga Afrika ee AMISOM ayaa Al-shabaab ka saaray deegaanno ay ku xoogganayd oo ku yaalla gobollada Jubbada Hoose iyo Gedo ee Koonfurta Soomaaliya, laakiin hadda waxaa ka taagan deegaannadaas dagaal siyaasadeed ku aaddan ciddii maamuli lahayd.

11/17/2012 2:47 AM EST
Sabti, November 17, 2012 (HOL) — Ciidamada Midowga Afrika ee AMISOM ayaa isbitaallo lagu daweeyo dadka xanuunsan ka furay deegaanno ku yaalla gobolka Shabeellada kuwaasoo ay ka qabsadeen xoogagga Al-shabaab oo muddo sannado ah ka talinayay.

11/17/2012 2:33 AM EST
Sabti, November 17, 2012 (HOL) — Madaxweynihii hore ee Dowladdii KMG ahayd ee Soomaaliya, Shariif Sheekh Axmed iyo qoyskiisa ayaa shalay oo Jimco ka guuray magaalada Muqdisho, iyagoo kusii jeeda dalka Uganda, halkaasoo degenaasho ay ka heleen.

11/17/2012 1:35 AM EST
Sabti, November 17, 2012 (HOL) —Kadib booqasho uu ra’isul wasaaraha dalka Masar Hisham Qandal ku tagay magaalada Qasa ee dhulka Falastiin ayuu sheegay in dowladda Masar aysan indhaha ka daboolan doonin dhibaatada ka taagan halkaasi.