3/29/2024
Today from Hiiraan Online:  _
Wararka Maanta- Sabti, May 5 , 2012
Shir looga hadlayo Mustaqbalka Somalia oo saacadaha soo socda ka furmaya Dugsiga Tababarka Booliiska ee Iskool Bulusiyo

Sabti, May 05, 2012 (HOL) — Waxaa lagu wadaa in saacaha soo socda uu ka furmo dugsiga tababarka booliiska ee iskool bulusiyo shir looga hadlayo musqtablka dalka Soomaaliya, kaasoo ay ka qaybgalayaan 135 oday-dhaqameed oo soo xuli doona guddiga ansixinta dastuurka iyo guddiga xulidda xildhibaannada cusub ee baarlamaanka.

Shirkan ayaa waxaa lagu wadaa inay ka qaybgalaan xubnaha sarsare ee dowladda KMG ah, waxaana wararka aan helayno ay sheegayaan in shirka uu maanta noqon doono mid furitaan ah oo hadallo laga jeediyo, balse dooduhu ay billaaban doonaan maalinta berri ah.

"Waxaan shirkan uga hadli doonnaa mustaqbalka sida xulidda guddiga ansixin doona dastuurka cusub ee Soomaaliya iyo sidii looga bixi lahaa xilliga KMG ah," ayuu yiri mid ka mid ah odayaasha ka qaygalaya kulanka.

Ammaanka goobta uu shirku ka dhacayo iyo hareeraheeda ayaa aad loo adkeeyay iyadoo suxufiyiinta doonaya inay shirka tabiyaan si aad ah loo baray, waxaana ku sugan jidadka gala xaruntaas iyo goobaha ku dhow ciidammo fara badan.

Saraakiisha ciidamada dowladda KMG ah ee Soomaaliya ayaa sheegay inay u diyaar-garoobeen sugidda amaanka inta uu socdo shirka, iyagoo sheegay inay dhici karto inay wax dhacaan, balse iyaga ay ka go'an tahay inay ammaanka adkeeyaan.

Ergooyinka shirka ka qaybgalaya oo ka yimid gobollada dalka Soomaaliya ee aanay joogin Al-shabaab ayaa wuxuu shirkooda ku eg-yahay 15-ka bishan May markaasoo uu billaaban doono shirka lagu ansixinayo dastuurka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/5/2012 3:31 PM EST
Sabti, May 05, 2012(HOL): Shirkii Odayaasha Dhaqanka Soomaaliyeed ee aayo-ka-talinta dalka Soomaaliya ayaa maanta ka furay xarunta dugsiga sare ee booliska ee magaalada Muqdisho.

5/5/2012 1:47 PM EST
Waxaa maanta si rasmi ah loo soo saaray magacyada odayaal dhaqameedka soo xulidoona xubnaha ansixindoonta Dastuurka Soomaaliyeed.

5/5/2012 9:34 AM EST
Sabti, May 05, 2012 (HOL) — Madaxda DKMG ah ee Soomaaliya ayaa ku sugan dugsiga tababarka booliiska oo ay ka socdaan khudbadihii furitaanka shirkaas oo ay 135 oday dhaqameed oo beelaha Soomaalida ka socda ay ku xulayaan ergooyinkii ansixin lahaa dastuurka cusub ee Soomaaliya.

5/5/2012 8:21 AM EST
Sabti, May 05, 2012 (HOL) — Xukuumadda Somaliland ayaa sheegtay sababta wefti ka socda Jabuuti looga celiyey xadka ay ahayd Isfahan la’aan weftiga iyo maamulka gobolka Selel, waxaanu sheegay in aanay xukuumadda Somaliland ka war hayn imaanshaha weftiga, taasina ay keentay in laga horjoogsaddo inay gudaha xadka usoo gudbaan.

5/5/2012 8:12 AM EST
Sabti, May 05, 2012 (HOL) — Dajiraha Soomaaliya u fadhiya dalka Iiraan, Khaliif Kadiye Muuse ayaa madaxda dalka Iiraan ka dalbaday inay gacan ka geystaan sidii lagu xasilin lahaa Soomaaliya.

5/5/2012 7:15 AM EST
Sabti, May 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa la sheegay inuu xilkii ka qaaday maareeyaha dekedda Muqdisho, Sayid Cali Macallin Cabdulle oo muddo hal sano ah xilkaas hayay.

5/5/2012 4:30 AM EST
Sabti, May 05, 2012 (HOL) — Ra'iisul wasaaraha xukuumadda Soomaaliya, C/weli Maxamed Cali ayaa ka dalbaday guddoomiyaha maxkamadda ciidamada Qalabka sida ee DKMG ah inuu sida ugu dhaqsiyaha badan xorriyadooda ugu soo celiyo ilaaladiisa qaarkood kuwaasoo u xiran tuhun la xiriira qaraxii ka dhacay horraantii bishii hore Tiyaatarka Muqdisho.

5/5/2012 4:05 AM EST
Sabti, May 05, 2012 (HOL) — Afhayeenka ciidamada milateriga Uganda, Col. Flix Kulayigye ayaa sheegay inay ciidamadooda ku sugan Soomaaliya ee qaybta ka ah howgalka Midowga Afrika ee AMISOM ay ku biiriyeen 17,00 oo askair oo dheeraad ah, taasina ay tirada ciidamadooda ka dhigayso 8,000-askari.

5/5/2012 3:49 AM EST
Sabti, May 05, 2012 (HOL) — Taliyaha ciidamada booliiska Kenya, Mathew Iteera oo Jimcihii shalay saxaafadda kula hadlay magaalada Nairobi ayaa sheegay in amaanka dalkiisa ay khatar ku hayaan boqolaal dhallinyaro Kenyan ah oo lagu soo tababaray Soomaaliya.

5/5/2012 3:26 AM EST
Sabti, May 05, 2012 (HOL) — Ugu yaraan sagaal qof oo dhinacyadii dagaalamay ka tirsan ayaa ku dhintay tiro intaas ka badanna way ku dhaawacmeen dagaal culus oo xalay saqdii dhexe ku dhexmaray degmada Ceelbuur xoogagga Al-shabaab iyo kuwa Ahlusunna Waljamaaca oo ay taageerayaan ciidamada Itoobiya.

5/5/2012 3:16 AM EST
Sabti, May 05, 2012 (HOL) — Xildhibaan Sheekh Aadan Maxamed Nuur (Madoobe) oo shalay kasoo laabtay dalka Itoobiya oo ay safar ku joogeen isaga iyo xildhibaan Maxamed Ibraahim Xaabsade haddana ku sugan degmada Xudur ee gobolka Bakool ayaa sheegay inay wadahadallo hoose kula jiraan xubno ka tirsan Xarakada Al-shabaab.