3/28/2024
Today from Hiiraan Online:  _
Wararka Maanta- Khamiis, May 31, 2012
Madaxweynayaasha dalalka Uganda iyo Eritrea oo kulan ay ku yeesheen Asmara uga hadlay Arrimaha Soomaaliya

Khamiis, May 31, 2012 (HOL) — Madaxweynaha dalka Uganda, Yoweri Museveni oo booqasho laba maalmood ah ku tagay magaalada Asmara ee dalka Eritrea ayaa kala hadlay arrimaha Soomaaliya madaxweynaha Eritrea, Issias Efwerki, iyagoo isku raacay in gacanta laga geysto xalislinta Soomaaliya.

Labada madaxweyne ayaa waxay si aad ah uga hadleen arrimaha dalka Soomaaliya oo ay dagaallo ka socdeen muddo laabtan sano ku dhow, waxayna kulammadooda kaddib u sheegeen warbaahinta inay isku mowqif ka taagan yihiin xal loo helo Soomaaliya iyo Suudaan.

"Markii aan kulannay waxaan ka hadalnay arrimo badan, runtiinna dhammaantood waan isku afgarannay," ayuu yiri Afwerki oo sheegay inuu aad ugu faraxsan yahay booqashada labada maalmood ah ee uu Museveni ku joogay dalkiisa.

"Waxaan Museveni ku taageersanahay arrimihii uu soo jeediyay oo dhan," ayuu Efwerki ku daray hadalkiisa, isagoo xusay inay ka go'an tahay inay wax qabashada dalalka gobolka ee ay dhibaatooyinku ka jiraan.

Madaxweynaha Eritrea wuxuu iska fogeeyay eedeymaya ay Qaramada Midoobay iyo Midowga Afrika u soo jeedinayaan dalkiisa oo ku aaddan inay Al-shabaab taageero siiyaan, wuxuuna eedeymahaas ku tilmaamay kuwo aan sal iyo raad lahayn.

"Dhibaatada ka jirta Soomaaliya ma ahan Al-shabaab, balse waxay u baahan tahay in ammaankii iyo kala dambeyntii dib loosoo celiyo," ayuu yiri madaxweynaha Eritrea oo sheegay in dalkiisa uusan taageerin Al-shabaab.

Madaxweynaha Uganda oo ay ciidammo fara badan ka joogaan Soomaaliya ayaa u dhoofay dalka Turkiga si uu uga qaybgalo shirka looga hadlayo mustaqbalka dalka Soomaaliya ee maanta ka furmay magaalada Istanbuul.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/31/2012 11:45 AM EST
Anagoo ah ka soo qayb galayaasha Shirka Istanbuul ee Bulshada Rayidka ah ee Soomaaliyeed oo ka kooban odayaasha Dhaqanka, Culumaa’udiinka, Aqoonyahannada, Ururrada Siyaasadeed ee abuubulan, Ururrada haweenka, dhalinyarada, ganacsatada iyo qurba-joogta....

5/31/2012 9:11 AM EST
Khamiis, May 31, 2012 (HOL) — Taliyaha ciidamada dalka Kenya, Jen. Julius Karangi ayaa sheegay in ajadanaha ciidamadooda ku sugan Soomaaliya oo hadda ka mid ah AMISOM uu yahay sidii ay Al-shabaab uga qabsan lahaayeen degmada Kismaayo inta aan la gaarin bisha Ogoosto ee sannadkan.

5/31/2012 8:01 AM EST
Khamiis, May 31, 2012 (HOL) — Wararkii ugu danbeeyay ee aynu ka heleyno degmada Afmadow ayaa sheegaya in ciidamada dowladda KMG oo kaashanaya kuwa Kenya ay si buuxda ula wareegeen degmada Afmadow ee Gobolka Jubada Hoose.

5/31/2012 7:58 AM EST
Khamiis, May 31, 2012 (HOL) — Hal qof ayaa dhintay saddex oo uu ku jiray cunug yarna dhaawacyo ayaa kasoo gaaray qarax xalay fiidkii ka dhacay hoteel ku yaalla degmada Wajeer oo ka mid ah degmooyinka gobolka Waqooyi-bari ee dalka Kenya.

5/31/2012 6:56 AM EST
Khamiis, May 31, 2012 (HOL) — Wasiirka waxbarashada Somaliland Marwo Samsam cabdi Aadan, ayaa ka qaybgashay xaflad shahaadooyin lagu siinayey sodan hablood oo tobabar macalinimo ah ku qaadanayey dugsiga SOS ee magaaladda Sheekh ee gobolka Saaxil.

5/31/2012 6:50 AM EST
Khamiis, May 31, 2012 (HOL) — Wararkii ugu danbeeyay ee aynu ka heleyno degmada Afmadow ayaa sheegaya in dagaalyahannada Al-shabaab ay isaga baxeen degmadaasi, kadib dagaal culus oo oo iyaga iyo Ciidamada huwanta ha ku dhexmaray duleedka degmada Afmadow ee gobolka Jubada Hoose.

5/31/2012 6:42 AM EST
Khamiis, May 31, 2012 (HOL) — Shir looga hadlayo mustaqbalka Soomaaliya oo ay ka qaybgalayaan madaxda ka socda in ka badan 54-dalka iyo madaxd DKMG ah ee Soomaaliya ayaa ka furmay maanta oo Khamiis ah magaalada Istanbuul ee dalka Turkiga.

5/31/2012 12:52 AM EST
Ra'iisul Wasaaraha Soomaaliya Prof Abdiweli Mohamed Ali oo ku sugan magaalada Istanbul ee dalka Turkiga ayaa kulan dheer la qaatay dhigiisa Ra'iisul Wasaaraha Dalka Turkiga Recep Tayyip Erdogan oo ay ka wada hadleen arrimo dhowr ah oo ay ka mid yihiin xiriirka labada dalka, shirka Istanbul ee arrimaha Soomaaaliya iyo soo afjaridda Xilliga KMG ah.