3/29/2024
Today from Hiiraan Online:  _
Wararka Maanta- Jimco, Jun 22, 2012
Madaxweyne Shariif Sheekh Axmed oo dadaal ugu jira inuu mar kale qabto xilka Madaxweynenimo ee Soomaaliya

Jimco, June 22, 2012 (HOL) — Madaxweynaha Soomaaliya, Sheekh Shariif Sheekh Axmed ayaa sheegay inuu yahay murashax u taagan xilka madaxnimo ee dalka Soomaaliya, kaddib kulan uu xalay kula yeeshay Nairobi Somaalida halkaas ku nool, isagoo rajo ka muujiyay inuu xilka madaxnimo ee Soomaaliya ku guuleysan karo.

"Waxaan ugu shaqeyn doonaa Soomaaliya haddii ay shacabka Soomaaliyeed mar kale ii doortaan xilka," ayuu yiri madaxweynaha Soomaaliya oo intaas ku daray inuu yahay murashax xilka u taagan.

Xilliga dowladda KMG ah iyo xilliga madaxnimo ee Sheekh Shariif ayaa ku eg bisha Ogoosto ee sannadkan, xilligaas oo la qorsheynayo in Soomaaliya u gudbto dowlad joogto ayna ka gudubto dowladda KMG ah.

Madaxweynaha Soomaaliya oo xilligan 47-jir ah ayaa waxaa xilka loo doortay 2009 xilligaas kaddib shir ka dhacay dalka Jabuuti oo isaga iyo xubnihii taageersanaa Isbahaysigii Asmara ay ku biireen dowladda KMG ah.

"Intii aan xilka madaxnenimo hayay waxaan go'aansaday inaan la dagaalamo argagaxisada, taasoo khatar weyn ku ah gobolka," ayuu yiri Sheekh Sharifi oo intaa raaciyay. "Waqtiga soo socda waxaan doonayaa inaan dalka dib u dhiso. waayo sharci la'aan ma ahan wax aan mustaqbalka doonayno."

Xilka madaxweynimo ee Soomaaliya ayaa waxaa u taagan murashaxiin fara badan oo doonaya inay xilkaas qabtaan, iyadoo mas'uuliyiinta dowladda ay iyaguna horay u sheegeen inay xilkaas u taagan yihiin markana ay tahay markii labaad.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/22/2012 2:47 PM EST
Jimco, June 22, 2012(HOL): Xaflad si heer sare ah loo soo agaamisay isla markaana lagu caleemo saarayay Caaqilka Beesha Digil iyo Mirifle ee Somaliland Caaqil Cali Maxamed Ibraahim “Cali Iraaqi” ayaa maanta ka dhacday Hall-ka City Center Hotel ee magaalada Hargeysa.

6/22/2012 1:07 PM EST
Jimco, June 22, 2012 (HOL) - Saxiixayaasha Roadmapka oo kala ah, Madaxweynaha Soomaaliya, Shariif Sheekh Axmed, Ra'iisul wasaare C/wali Maxamed Cali Gaas, Gudoomiyaha baarlamaanka Shariif Xassan Sheekh Aadan, Madaxweynaha Puntland C/raxmaan Sheekh Maxamed, Madaxweynaha Galmudug Maxamed Axmed Caalin iyo Wakiilka Ahlu Sunna Sheekh Maxamed Maxamuud Yuusuf ayaa shir ugu dhammaaday magaalada Nairobi.

6/22/2012 8:29 AM EST
Jimco, June 22, 2012(HOL): Magaalada Stockholm ee Caasimadda Dalka Sweden ayaa waxaa xalay lagu qabtay xaflad lagu shaacinayay musharaxnimada madaxweynenimo ee siyaasiga Jaamac Cali Jaamac.

6/22/2012 4:58 AM EST
Jimco, June 22, 2012 (HOL) — War ay Xarakada Al-shabaab soo saartay saacado ka hor ayay ku sheegtay in weerar gaadmo ah oo ka dhacay Ceelasha biyaha ay ku dileen taliyihii ciidamada dowladda KMG ah ee deegaanka Ceelasha biyaha, Afrax Cali Afrax.

6/22/2012 4:52 AM EST
Jimco, June 22, 2012 (HOL) — Qaar ka mid ah ehellada lamaanayaashii afuubka loogu haystay Soomaaliya muddada labada sano ku dhow ee shalay lasii daayay ayaa sheegay inay bixiyeen lacago madaxfurasho ah.

6/22/2012 4:51 AM EST
Jimco, June 22, 2012 (HOL) — Xarakada Al-shabaab ayaa guulo ka sheegatay dagaal ka dhacay deegaanka Ceelasha biyaha ee duleedka Muqdisho oo gacanta ay ku hayaan ciidamada dowladda KMG ah iyo kuwa AMISOM.