3/29/2024
Today from Hiiraan Online:  _
Wararka Maanta- Isniin, Jun 11, 2012
Maamulka Puntland oo sheegtay inay jiraan kooxo doonaya inay leexiyaan Qorshaha geeddi-socodka Nabadda Soomaaliya

Isniin, June 11, 2012 (HOL) — Maamulka Puntland ayaa warsaxaafadeed ay soo saareen ku sheegay inay jiraan kooxo dano gaar ah leh oo doonaya inay leexiyaan qorshaha geeddi-socodka nabadda ee Soomaaliya.

Wasiirka maaliyada Puntland, Faarax Cali Shire oo saxaafadda u akhriyay qoraalkan ayaa sheegay in Puntland aysan qaadayn mas'uuliyadda haddii uu burbur ku yimaddo habka uu ku socdo geeddi socodka nabadda iyo dhameystirka dastuurka Soomaaliya.

"Puntland mas'uul kama noqoneyso wax kasta oo is-hortaag iyo caqabad ku noqon kara dhamaystirka xiliga kala guurka ah iyo dhamaystirka qoraalka dastuurka Soomaaliya," ayuu yiri wasiirka maaliyadda Puntland.

Maamulka Puntland ayaa sheegay in isbedel lagu sameeyo qoraalka dastuurka ay keeni karto dib u dhac ku yimaada geeddi-socodka nabadda Soomaaliya, iyadoo ku baaqday in dalalka arrimaha Soomaaliya daneeya inay taageeraan howlaha lagu dhameystirayo qorshaha nabadda Soomaaliya.

"Puntland waxay aqoonsan tahay in isbedel lagu sameeyo dastuurka ay leeyihiin guddigii farsamo ee lagu sameeyay Addis Ababa, kaasoo ay madaxda Soomaalidu isku raaceen uuna goobjoog ka yahay mar walba wasiirka dastuurka Soomaaliyha," ayaa lagu yiri warsaxaafadeedka Puntland.

Wasiirka maaliyadda Puntland ayaa sheegay in Puntland ay diyaar u tahay inay qaybteeda ka qaadato dib u dhiska dowladd Soomaliyeed oo ku dhisan nidaamka federaali ah, isagoona raaciyay in Puntland ay taageersan tahay qorshaha looga baxayo xilliga KMG ah iyo shirarkii saxiixayaashu ku yeesheen Muqdisho, Garoowe, Galkacayo iyo Addis Ababa.

Ugu dambeyn, wasiirku wuxuu sheegay in Puntland ay diyaarisay xubnihii u ansixin lahaa dastuurka dowladda KMG ah ee Soomaaliya iyo weliba xildhibaannadii qaybta ka noqon lahaa baarlamaanka Soomaaliya ee la dhisayo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/11/2012 12:54 PM EST
Isniin, June 11, 2012(HOL): Munaasabadaan oo ay soo abaabuleen dad ka soo jeeda deeganada uu maamulka Azaaniya ku magacaaban yahay islamarkaasina taageersan oo ka dhacday magaalada Minneapolis ee Gobolka Minnesota, ayaa waxaa goobjoog ka ahaa guud ahaan qeybaha bulshada sida, haween, dhalinyaro, waxgarad, aqoonyahano iyo waliba siyaasiin caan ah oo ka jeedaa dalka Kenya.

6/11/2012 7:27 AM EST
Isniin, June 11, 2012 (HOL) — Golaha wasiirrada DKMG Soomaaliya ayaa kulan ay ku yeesheen maanta magaalada Muqdisho waxay uga dalbadeen odayaasha daqanka inay sida ugu dhaqsiyaha badan kusoo gudbiyaan liiska ergada ansixinta dastuurka.

6/11/2012 6:46 AM EST
Isniin, June 11, 2012 (HOL) — Ergayga gaarka ah ee Midowga Afrika u qaabilsan arrimaha Soomaalia, Danjire Abuubakar Diarra ayaa dowladda iyo shacabka Kenya uga tacsiyeeyay geeridii wasiirka amaanka gudaha dalkaas, ku xigeenkiisii iyo afar qof oo shalay ay diyaaradi kula dhacday dhuleeka Kenya.

6/11/2012 6:20 AM EST
Isniin, June 11, 2012 (HOL) — Kooxo hubeysan ayaa maanta baqadii waxay xoog ku galeen xarunta shirkadda xawaaladda Jubba Express ee suuqa bakaaraha, halkaasoo ay ka qaateen lacago fara badan sida ay warbaahinta u sheegeen qaar ka mid ah shaqaalaha shirkaddaas.

6/11/2012 5:13 AM EST
Isniin, June 11, 2012 (HOL) — Dabley hubaysan ayaa salaadii hore ee saaka ku toogtay Guddoomiyihii Maxkamadda gobolka Hargeysa Cabdirashiid Maxamuud Duraan xaafadda New Hargeysa ee degmada Gacan-libaax ee Bariga magaaladda Hargeysa.

6/11/2012 3:16 AM EST
Isniin, June 11, 2012 (HOL) — Xarakada Al-shabaab ayaa warbixin ay ku daabaceen boggooda Twitter waxay ku sheegeen inay soo dhaweynayaan geeridii wasiirkii amniga Qaranka Kenya, George Saitoti, ku xigeenkiisii iyo afar qof oo kale oo ay ku jireen ilaaladooda oo ku dhintay shil diyaaradeed oo shalay ka dhacay duleedka Nairobi.

6/11/2012 2:58 AM EST
Isniin, June 11, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in dhawaan ay bilaabanayaan wadahadallo dhexmara Dowladda KMG ah iyo maamulka Somaliland, taasoo qayb ka ahayd qodobbadii kasoo baxay shirkii horraantii sannadkan lagu qabtay magaalada London ee dalka Britain.

6/11/2012 2:44 AM EST
Isniin, June 11, 2012 (HOL) — Xukuumadda Mareykanka ayaa ku hanjabtay inay ku soo rogayso xayiraaddo ay ka mid yihiin kuwa safarrada iyo dhaqaalaha cid walba oo ka hortimaadda fulinta heshiiska Roadmap-ka, dastuurka cusub iyo weliba in madaxweyne la doorto.