12/2/2020
Today from Hiiraan Online:  _
Wararka Maanta- Axad, Dec 16, 2012
Shirkad Cusub oo Dhoofin Doonta Muuska oo laga Furay Magaalada Muqdisho ee Xarunta Soomaaliya (SAWIRRO)


Axad, December 16, 2012 (HOL) —Xaflad xarigga looga jaray shirkad lagu magacaabo Fruitsome oo soo saari doonta islamarkaana dhoofin doonta Muuska ayaa maanta ka dhacday Hotelka Ambassador ee Magaalada Muqdisho.

Shirkaddan ayaa waxa aasaasay 11 xubnood oo aqoonyahanno Soomaaliyeed ah, waxaana qeyb ka ah khuburo ku takhasusay ganacsiga iyo suuq geynta, Saamileey,  beeraleey iyo ganacsatada Muuska Soomaaliyeed.

Cismaan Xayle Caruushe oo ah gudoomiyaha gudiga fulinta ee shirkadda ayaa ka warbixiyay waxyaalaha ku kalifay in ay furaan shirkadani, isagoona sheegay in kadib markii ay arkeeen baahida uu caalamka u qabo wax-soo-saarka dalka Soomaaliya gaar ahaan Muuska in ay go’aansadeen in lagama maarmaan ay tahay in la helo shirkad ka shaqeeysa ka ganacsiga muuska.

Sidoo kale Eng: Xasan Max’ed Faarax oo isna goobta ka aqriyay war-saxaafadeed ay shirkaddu soo saartay ayaa sheegay in shirkadani ay u furantahay qof walba oo Soomaali ah.

“Shirkadda Fruitsome waxay ugu baaqeysaa beeraleyda muuska Soomaaliyeed oo dhan, Qurba-joogta iyo hay’adaha dhaqaalaha in ay gacmaha is qabsadaan oo ay ka qeybqaataan maalgelinta iyo dhoofinta Muuska Soomaaliyeed,” ayuu lagu yiri warsaxaafadeedkii shirkadda.

Shirkadani cusub ee soo saarista iyo dhoofinta Muuska ee Fruitsome ayaa xarunteeda weyn waxa ay ku taal Hotel Ambassador ee magaalada Muqdisho, waxayna masuuliyiinta shirkadani ugu baaqeen ganacsatada Soomaaliyeed in ay ka qeybqaataan maalgelinta iyo dhoofinta Muuska.

Tan iyo wixii ka danbeeyay burburkii dowladii hore ee Soomaaliya, beeraleyda Soomaaliyeed ma aysan helin wax dhiiri geliya wax soo saarkooda, waxayna arintaasi keentay in uu hoos u dhac weyn ku yimaado dalagyadii kala duwanaa ee ay beeri jireen.

Shirkadani ayaa hadii ay shaqeyso waxa ay dhiirigelin weyn u noqon doontaa beeraleyda Soomaaliyeed, maadama dalka Soomaaliya uu caan ku yahay waxsaasoorka dhulka gaar ahaan Muuska oo xilliyadii hore loo iibgeeyn jiray qaar kamid ah wadamada caalamka.


Xasan Nuur, Hiiraan Online
[email protected]
Muqdisho, Soomaaliya













Click here
12/16/2012 10:55 AM EST
Axad, December 16, 2012 (HOL)- Madaxweynaha Somaliland Iyo Wefti balaadhan oo uu Hoggaminayay, ayaa galabta u kicitimay dalka Jabuuti si uu uga qeyb gallo shirka madaxeedka horumarinta Af-soomaaliga ee PEN oo lagu soo casuumay Madaxweynaha Somaliland.

12/16/2012 7:10 AM EST
Axad, December 16, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay qorshe howleedka ay labada sano ee soo socota ku shaqeyn doonaan, iyadoo saddex mudane oo ka mid ah kuwii kulankaas soo xaadiray ay diideen qorshaha.

12/16/2012 6:35 AM EST
Axad, December 16, 2012 (HOL) — Kooxo hubeysan ayaa laba qof oo qoxooti ah xalay siyaabo kala duwan ugu dilay xerada IFO oo ka mid ah xeryaha qoxootiga ee ku yaalla deegaanka Dhadhaab ee dalka Kenya, iyadoo booliisku ay sheegeen inay baxsadeen kooxihii dilalkan geystay.

12/16/2012 5:48 AM EST
Axad, December 16, 2012 (HOL) — Mudaharaad balaadhan, ayaa ilaa maanta ka socday xaafaddo ka tirsan magaaladda Hargeysa, gaar ahaan waqooyiga magaaladda, kuwaas oo diidan kala bedel lagu sameeyey xildhibaanaddii soo baxay ee golaha deegaanka, kuwaas oo xildhibaankii ay taageerayeen oo soo baxay lagu bedelay xidhibaanno kale oo marki hore la sheegay inay hadheen.

12/16/2012 5:47 AM EST
Axad, December 16, 2012 (HOL) — Madaxweynaha Soomaaliya, Xasan Sheekh Maxamuud ayaa qorsheynaya inuu safarkiisa labaad ku tago dalka Jabuuti maanta oo Axad ah, halkaasoo uu uga qaybgeli doono bandhigga buug afka Soomaaliga ah oo ka dhacaya magaalada Jabuuti.

12/16/2012 1:53 AM EST
Axad, December 16, 2012 (HOL) — Dowladda Kenya ayaa ugu baaqday dadka aan sharciga lahayn ee magangalyo doonka ah iyo kuwa qoxootiga ah inay ku laabtaan xeryaha Qoxootiga ee Dhadhaab iyo Kaakumo, iyadoo sheegtay in qorshahan uu ka mid lagu adkeynayo ammaanka Kenya.

12/16/2012 1:24 AM EST
Axad, December 16, 2012 (HOL) —Bambaanooyin kuwa gacanta laga tuuro ah ayaa xalay lagu weeraray saldhigga dhexe ee magaalada Kismaayo halkaas oo fariisin u ah ciidamada dowladda Soomaaliya iyo kuwa Raaskaambooni.

12/16/2012 1:09 AM EST
Axad, December 16, 2012 (HOL) — Ciidamada dowladda Soomaaliya ee ku sugan gobolka Bay iyo kuwa Itoobiya ee caawinaya ayaa fariisimo ka sameystay gudaha iyo daafaha degmada Ufuroow, iyadoo cabsi weynna ay ka jirto degmada Diinsoor oo 17-km u jirta Ufuroow.