7/6/2020
Today from Hiiraan Online:  _
Wararka Maanta- Axad, Nov 4 , 2012
Tahriibayaal Soomaaliyeed oo qaarkood ku dhintay badda u dhexeysa dalalka Liibiya iyo Talyaaniga kaddib markii ay la dagtay dooni


Axad, November 04, 2012 (HOL) — Tiro Soomaali ah ayaa la rumeysan yahay inay ku dhinteen dooni ku dagtay biyaha u dhexeeya dalalka Talyaaniga iyo Liibiyo, iyadoo la helay maydadka saddex qof oo Soomaali ah.

Warsaxaafadeed ay soo saareen maanta oo Axad ah ciidamada badda Talyaaniga ayaa waxay ku sheegeen in laba doomood iyo markab ay leeyihiin ay badda kasoo saareen 70-qof oo Soomaali ah, kuwaasoo la sheegay inay nool yihiin, balse ay xalaadoodu daran tahay.

"Doonidu waxay ku dagtay meel 35 mayl u jirta biyaha Liibiya Sabtidii shalay," ayaa lagu yiri warbixintan, iyadoo la sheeagy in dadkii la badbaadiyay loo qaaday dhinaca jasiiradda Lampedusa ee dalka Talyaaniga, balse lama sheegin doonida inta qof ee la socday.

Maraakiibta ciidamada badda Talyaaniga iyo diyaarado kuwa qummaatiga u kaca ah ayaa ku jira baadi-goobka dad kale oo doonida ka badbaaday ama kuwo dhintay, iyadoo aysan ahayn markii ugu horreysay oo tahriibayaal Soomaaliyeeed ay dooni kula dagto biyaha u dhexeeya dalalka Talyaaniga iyo Liibiya.

Kumannaan qoxooti Soomaaliyeed ah ayaa ku dhintay badda Mediterranean-ka xilli ay isku dayayeen inay u gudbaan dalalka Yurub, iyadoo kumannaan kalena ay si nabad ah ku gaareen dalka Talyaaniga iyo Jasiiradda Malta oo ay uga gudbaan dalalka kale ee Yurub.

Qoxootiga Soomaalida ee ku dhintay afartii sano ee lasoo dhaafay biyaha isku xira dalalka Liibiya iyo Talyaaniga ayaa waxay isugu jireen haween uur leh, rag aad dhallinyaro u ah iyo caruur qaarkood ku dhashay doomaha dhexdooda.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
11/4/2012 4:19 PM EST
Axad, November 04, 2012(HOL): Magaalada Helsinki ee wadanka Finland waxaa ka dhacay soo dhoweyn aad u weyn oo loo sameeyey cayaaryahanka weyn ee Abdulqadir Mooge oo u soo cayaaray kooxda Banaadir Telecom iyo Qaranka Somalia, iyadoo ay ku soo dhoweeyeen Finland dhammaan bahda Isboortiga ee reer Finland oo ay horkacayeen ururka dhaqanka iyo isboortiga ee Helsinki.

11/4/2012 11:08 AM EST
Axad, November 05, 2012(HOL): Ra’iisal Wasaraha Xukuumadda Soomaaliya Cabdi Faarax Shir-doon (Saacid) ayaa maanta soo magacaabay Xubno wasiirro ah oo ka mid ah noqon doona Xukuumaddiisa.

11/4/2012 7:43 AM EST
Axad, November 04, 2012 (HOL) — Xildhibaanadda golaha Wakiilada iyo Guurtidda ee gobolada Awdal iyo Selel, ayaa sheeegay in cabasho ay u gudbiyeen madaxweynaha Somaliland aanay wax jawaab ah ka helin, isla markana ay hawadda u marinayaan cadaaladda darada ay ka tirsanayaan xukuumadda Madaxweyne Axmed Siillaanyo.

11/4/2012 7:39 AM EST
Axad, November 04, 2012 (HOL) — Ciidamada dowladda Soomaaliya ayaa howgallo ay maanta ka sameeyeen jidka isku xira Muqdisho iyo Afgooye illaa degmada Marko ayaa waxay ku qabqabteen rag hubeysan oo ay sheegeen inay qaarkood wateen tuutaha ciidamada xoogga dalka.

11/4/2012 7:23 AM EST
Axad, November 04, 2012 (HOL) — Gobolka Togdheer deegaano ka tirsan, ayaa waxa ka da’ay roobab dabaylo wata oo waxyeelo u geystay dad iyo duunyadii deegaankaasi ku dhaqanaa.

11/4/2012 7:03 AM EST
Axad, November 04, 2012 (HOL) — Munaasabad ballaaran oo tababar ciidan loogu soo xirayay ku dhowaad 700 oo askari ayaa shalay gelinkii danbe ka dhacay degmada Doolow ee gobolka Gedo iyadoona munaasabaddaasi ay goobjoog ka ahaayeen saraakil katirsan ciidamada dowladda iyo kuwa Itoobiya.

11/4/2012 6:22 AM EST
Axad, November 04, 2012 (HOL) — Madaxweynaha Soomaaliya,Xasan Sheekh Maxamuud ayaa maanta kulan kula yeeshay garoonka diyaaradaha Muqdisho ee Aadan Cadde wafdi ka socda dalka Mareykanka oo ay hoggaaminaysay, Windhi Sherman oo ah xoghaye hoose oo ka tirsan wasaaradda arrimaha dibadda Mareykanka.

11/4/2012 5:52 AM EST
Axad, November 04, 2012 (HOL) — Is-rasaaseyn qaddar daqiiqado ah socotay ayaa xalay ka dhacday saldhigga booliska degmada Qardho ee xarunta gobolka Karkaar, kaddib markii koox dabley ahi ay weerar gaadmo ah kusoo qaadeen.

11/4/2012 5:27 AM EST
Axad, November 04, 2012 (HOL) —Ugu yaraan 11 qof ayaa ku dhimatay qarax bambaano oo maanta lala eegtay Kaniisad ay dad badan isugu yimaadeen oo ku taal magaalada Garissa ee Xarutna gobolka waqooyi bari Kenya.

11/4/2012 2:26 AM EST
Axad, November 04, 2012 (HOL) — Dowladda Soomaaliya ayaa sheegtay in xaalad adag uu dalku galayo haddii ay xukuuumadda Uganda ka dhabeyso go'aankeeda ah inay Soomaaliya kala baxayso ciidamadeeda qaybta ka ah howgalka AMISOM ee lagula dagaalamayo Al-shabaab.

11/4/2012 1:51 AM EST
Axad, November 04, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) ayaa lagu wadaa in gallinka dambe ee maanta oo Axad ah uu ku dhawaaqo golaha cusub ee wasiirrada Soomaaliya, kuwaasoo magacaabistooda uu dhowr jeer dib u dhac uu ku yimid.