7/6/2020
Today from Hiiraan Online:  _
Wararka Maanta- Sabti, Nov 3 , 2012
Madaxweynaha Somalia oo Muqdisho kula kulmay Wafdi uu Hoggaaminayay Danjiraha Midowga Yurub ee Soomaaliya


Sabti, November 03, 2012 (HOL) — Madaxweynaha Soomaaliya, Xasan Sheekh Maxamuud ayaa maanta kulan kula yeeshay xarunta madaxtooyada Soomaaliya wafdi ka socda Midowga Yurub oo uu hoggaaminayo danjiraha Midowga Yurub ee Soomaaliya, Michele Cervone d'Urso.


Wafdiga ka socday Midowga Yurub iyo madaxweynaha Soomaaliya ayaa yeeshay kulan albaabbadu u xiran yihiin, waxaana markii uu kulanku soo dhammaaday la hadly saxaafadda madaxweyne Xasan Sheekh iyo d'Urso.

"Midowga Yurub waxaa ka go'an kordhinta taageerada ay siinayaan Soomaaliya, waxaan madaxweynaha u soo bandhigay mashaariic uu Midowga Yurub doonayo inuu ka fuliyo Soomaalia. Mar walbna waxaan garab-taagannahay shacabka iyo dowladda Soomaaliya, waxaana ballan-qaadaynaa inaan kordhinno taageerada aan siinno," ayuu yiri Michele d'Urso oo saxaafadda la hadlay.

Danjiruhu wuxuu sheegay in Midowga Yurub ay ugu deeqeen Soomaaliya 158 milyan oo lacagta Yurub ah (Euro) si loogu horumariyo hay'adaha dowladda iyo arrimaha kale ee horumarinta dhinaca bulshada.

Madaxweynaha Soomaaliya, Xasan Sheekh oo isaguna saxaafadda la hadlay ayaa sheegay inay soo dhaweynayaan taageerada ay Midowga Yurub mar walba la garab-taagan yihiin shacabka Soomaaliyeed, isagoo hoosta ka xariiqay inay dajiraha u sheegeen in la bedelo qaabkii horay ee loola dhaqmi jiray Soomaaliya, marka ay timaaddo dhinaca gargaarka.

"Dowadda Soomaaliya waxay soo dhaweynaysaa kordhinta taageerada Midowga Yurub. Dowladduna waxay codsaanysaa in qaabkii ay beesha caalamku ku taageeri jirtay Soomaaliya wax laga bedelo, waxaana ka codsannay wafdiga in si toos ah loo caawiyo Soomaaliya," ayuu yiri Xasan Sheekh.

Wafdigan ka socda Midowga Yurub ee soo gaaray Soomaaliya ayaa wuxuu noqonayaa kii saddexaad oo dalka yimaada tan iyo markii lasoo doortay madaxweyne Xasan Sheekh muddo bil ka hor ah.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
11/3/2012 5:55 PM EST
Sabti, November 03, 2012(HOL): Baarlamaanka dalka Ingiriiska ayaa waxaa la horgeeyay mooshin ka dhan ah Idaacadda Bar-Kulan iyo Shirkadda maamusho ee Albany kaddib markii lagu eedeeyay xadgudubyo ka dhan ah xuquuqda dadka u shaqeeya.

11/3/2012 9:26 AM EST
Sabti, November 03, 2012 (HOL) — Xildhibaannada baarlamaanka Soomaaliya ayaa kulan ay maanta yeesheen xaruntooda Muqdisho waxay ku diideen qodobbo ka mid ah dastuurka oo uu ka mid yahay qodob dhigaya in madaxweynuhu uu kala diri karo baarlamaanka Soomaaliya.

11/3/2012 8:53 AM EST
Sabti, November 03, 2012 (HOL) — Madaxweynaha Somaliland Md:Axmed Maxamed Maxamuud (Siillaanyo), ayaa maanta ka qaybgalay sanad-guuradii 19naad ee ka soo wareegtay aasaaskii ciidanka Booliska Somaliland.

11/3/2012 8:23 AM EST
Sabti, November 03, 2012 (HOL) — Ugu yaraan saddex qof oo laba ka mid ah ay ahaayeen raggii sameeyay ismiidaaminta ayaa ku dhintay qaraxyo ismiidaamin ah oo goor-dhaweyd ka dhacay afaafka hore baar lagu magacabo The Village oo ku yaal inta u dhexeysa isgoyska Zope iyo isbitaalka Digfeer ee magaalada Muqdisho, iyadoo ay ku dhaawacmeen in ka badan 10-qof oo qaar ka mid ah uu firirku ugu tagay gudaha baarka.

11/3/2012 7:35 AM EST
Sabti, November 03, 2012 (HOL) — Gaadiidka iskaga kala goosha Jabuuti iyo Somaliland, ayaa sheegay inay dhibaato ka soo gaadhay buundo biyo mareen ah oo ka go’day inta u dhexeysa magaaladda Lawyo-Caddo iyo Saylac.

11/3/2012 7:34 AM EST
Sabti, November 03, 2012 (HOL) — Ciidamada milateriga Soomaaliya ayaa maanta ka sameeyay Muqdisho howgallo ay kusoo qabqabteen ciidammo kale oo hub ku dhexwatay magaalada Muqdisho, iyadoo howgalladaas ay ciidamadu ku dileen qof watay tuuraha ciidamada dowladda.

11/3/2012 7:09 AM EST
Sabti, November 03, 2012 (HOL) — Roobab mahiigaan ah oo ka dagay gobollada Saaxil iyo Togdheer ee Somaliand ayaa waxaa ku barakacay kumannaan qof oo ku noolaa deegaannada ay roobabka ka da'een, sida uu sheegay sarkaal sare oo ka tirsan maamulka Somaliland.

11/3/2012 3:46 AM EST
Sabti, November 03, 2012 (HOL) — Taliyaha ciidamada xoogga, Jen. Cabdulqaadir Sheekh Cali Diini ayaa sheegay in xooggagga Raaskambooni ee ka dagaalamaya gobollada Jubbooyinka ay ka tirsan yihiin ciidamada dowladda Soomaaliya, isagoo inaysan Jubbooyinka joogin ciidan aan ahayn kuwa dowladda.

11/3/2012 3:33 AM EST
Sabti, November 03, 2012 (HOL) —Waxaa maanta lagu qabtay xarunta Jaamacadda Lower Jubba University ee magaalada Kismaayo xaflad qalinjabin ah taasoo shahaadooyin lagu gudoonsiinayay ilaa 27-arday oo ka Qalinjabisay qeybaha waxbarashada Jaamacadda.

11/3/2012 3:27 AM EST
Sabti, November 03, 2012 (HOL) — Dowladda Uganda ayaa ku hanjabtay inay kala baxayso ciidamadeeda nabad ilaalinta ah dalal ay ku jiraan Soomaaliya iyo DR Congo, kaddib markii Qaramada Midoobay ay ku eedeysay inay inay taageerto jabhadda M23 ee ka dagaalanta bariga DF Congo. Iyadoo Al-shabaab ay xustay in go'aankan uu fududeynayo dagaalka ay kula jirto AMISOM.

11/3/2012 2:58 AM EST
Sabti, November 03, 2012 (HOL) — Xildhibaannada baarlaamanka Soomaaliya ayaa waxay maanta oo Sabti ah ayaa waxay xaruntooda Muqdisho ku yeelanayaan kulan looga hadlayo xeer hoosaadka baarlamaanku uu ku shaqeynayo afarta sano ee soo socota.

11/3/2012 2:56 AM EST
Sabti, November 03, 2012 (HOL) — Hal qof oo rayid ah ayaa ku dhintay saddex kalena way ku dhaawacmeen bam-gacmeed xalay lagu weeraray ciidammo ka tirsan kuwa dowladda Soomaaliya oo ku sugnaa xaafadda mac-macaanka ee degmada degmada Dharkeynley.

11/3/2012 2:53 AM EST
Sabti, November 03, 2012 (HOL) — Wafdi ka socda dowladda Soomaaliya iyo AMISOM ayaa shalay gaaray magaalada Kismaayo ee xarunta gobolka Jubbada Hoose; iyadoo wafdigan ay soo dhaweeyeen saraakiisha dowladda iyo kuwa Raaskaambooni ee ku sugan degmada Kismaayo.

11/3/2012 2:51 AM EST
Sabti, November 03, 2012 (HOL) — Ciidamada maamulka gobolka Hiiraan ayaa gacanta ku dhigay illaa lix ruux oo dhalinyarro ah kuwaasoo lagu qabtay iyaga oo sita walxaha qarxa sida ay warbaahinta u sheegeen mas’uuliyiinta maamulka gobolka.