1/28/2022
Today from Hiiraan Online:  _
Wararka Maanta- Sabti, Jun 30, 2012
Dabley ku labisnaa Dharka Ciidamada DKMG oo maanta dhacay Xarunta Shirkadda Xawaaladda Mustaqbal ee Degmada Waaberi
Sabti, June 30, 2012 (HOL) — Kooxahan oo tiradoodu ahayd afar nin oo sitay qoryo fudud kuna labistaa dharka ciidamada dowladda KMG ah ayaa maanta dhac u geystay xarunta shirkadda xawaaladda Mustaqbal ay ku leedahay degmada Waaberi ee gobolka Banaadir.

Maamulkaha xaruntan, Bashiir Cabdi Xaaji Cumar  ayaa sheegay in xarunta laga qaatay 2,800 oo dollarka Mareykanka ah, isagoo sheegay in shaqaalihii xaruntaas ay kooxaha hubeysani handadeen.

"Dableydu waxay si caadi ah ku galeen xarunta shirkadda, daqiiqado kaddibna waxay billlaabeen in macaamiishii lacagaha qaadanayay ay wajiga darbiga u saaraan, sidoo kalena ay handadaan shaqaalaha, ugu dambeynna ay qaataan 2,800 oo doollar," ayuu yiri Bsahiir Cabdi oo sheegay inay wargeliyeen booliiska.

Sidoo kale, maamulaha xarunta la dhacay ayaa sheegay in kooxaha hubeysan ay wateen gaari Land Cruiser ah ay si nabadgalyo ah goobta uga tageen, isagoo xusay inaysan garanayn in raggaas ay ciidan ahaayeen iyo in kale.

Taliyaha booliiska degmada Waaberi oo isaguna saxaafadda la hadlay ayaa sheegay in kooxda dhaca geysatay loo sheegay inay ka koobnaayeen afar nin oo laba ka mid ah ay ku labisnaayeen tuute ayna u carareen dhinaca isgoyska KM-4, ayna wadaan baaris ay ku raadinayaan.

Shirkaddan xawaaladeed ayaa noqonaysa tii labaad oo lagu dhaco Muqdisho inta lagu jiro bishan Juun, iyadoo la xusuusto in xarunta shirkadda Jubba Express ay laba toddobaad ka hor dhaceen kooxo hubeysan oo dharka ciidamada ku labisan, iyagoo ka qaatay lacag gaaraysa 29,000 oo doollar.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/30/2012 9:31 AM EST
Sabti, June 30, 2012 (HOL) — Guddoomiyaha guddida Imtixaanaadka Qaranka Somaliland Md Daa’uud Axmed Faarax ayaa sheegay in si rasmi ah u saakka guud ahaanba dalka uu ka bilaabmay imtixaanka shahaadiga ahaa ee fasaladda afraad ee dugsiyada sare iyo fasaladda 8aad ee dugsiyadda dhexe.

6/30/2012 8:23 AM EST
Sabti, June 30, 2012 (HOL) — Madaxweynaha Soomaaliya, Sheekh Shariif Sheekh Axmed ayaa sheegay in maamulka Somaliland ay u geeyeen ralligelin maadaama ay tabanayaan tacaddi horay loogu geystay, ayna ku heshiiyeen in wadahadalladu ay sii socdaan.

6/30/2012 7:51 AM EST
Sabti, June 30, 2012 (HOL) — Madaxweynaha Soomaaliya Sheekh Shariif Sheekh Axmed iyo wafdi uu hoggaaminayo ayaa booqasho ku jooga degmada Balcad ee gobolka Shabeellada Dhexe, halkaasoo toddobaadkii hore ay ciidamada DKMG ah iyo kuwa AMISOM kala wareegeen Al-shabaab.

6/30/2012 7:39 AM EST
Sabti, June 30, 2012 (HOL) — Dowladda Kenya ayaa sheegtay inay heegan buuxa gelisay ciidamadeeda ku sugan gudaha Soomaaliya kuwaasoo ay sheegtay inay baadi-goob ku hayaan shaqaale samafal oo shalay laga afduubay deegaanka Dhadahaab oo ay ku yaallaan xeryaha qoxootiga ee dunida ugu weyn.

6/30/2012 6:46 AM EST
Sabti, June 30, 2012 (HOL) — Kulan ay yeesheen dhallinyarada, odayaasha dhaqanka, siyaasiyiinta iyo haweenka ku nool xaafadda Nasteexo ee degmada Wadajir ee gobolka Banaadir ayaa waxay kaga mahad-celiyeen xildhibaan, C/qaadir Xasan Cabdi (Shacab) oo ka mid ah mudanayaasha baarlamaanka Soomaaliya, howlo lagu horumarinayay deegaankooda.

6/30/2012 6:15 AM EST
Sabti, June 30, 2012 (HOL) — Maamulka gobollka Hiiraan ayaa talaabo horay loo qaaday ku sheegay wada hadallada u bilaawday mas’uuliyiinta dowladda KMG iyo Soomaaliland, kadib kulankii ugu danbeeyay ee Dubai ku dhaxmaray madaxweyne Shariif iyo Axmed Siilaanyo madaxweynaha Soomaaliland.

6/30/2012 3:58 AM EST
Sabti, June 30, 2012 (HOL) — Iyadoo ay soo kordhayaan murashaxiinta isku soo taagaya xilka madaxweynenimo ee Soomalaiya ayuu Muqdisho kaga dhawaaqay Dr C/raxmaan Maxamed Cabdi Xaashi inuu yahay murashax u taagan xilka madaxnimo ee Soomaaliya.

6/30/2012 3:40 AM EST
Sabti, June 30, 2012 (HOL) — Ururka Midowga Afrika iyo xukuumadda Uganda ayaa kala saxiixday heshiis is-afgarad ah oo Kampala ay 140-askari oo booliis ah ku geynayso magaalada Muqdisho ee xarunta Soomaaliya.

6/30/2012 3:39 AM EST
Sabti, June 30, 2012 (HOL) — Guddoomiyaha gobolka Banaadir ahna duqa Muqdisho Maxamuud Axmed Nuur (Tarsan) ayaa sheegay in Muqdisho ay diyaar u tahay marti-gelinta shirka lagu ansixinayo dastuurka cusub ee Soomaaliya, isagoo xusay in Muqdisho ay sharaf weyn u tahay in lagu dhiso dowladdii labaad ee Soomaaliya marka laga soo tago dowladdii 19960-kii.