10/28/2020
Today from Hiiraan Online:  _
Wararka Maanta- Jimco, Dec 14, 2012
Xukuumadda Soomaaliya oo ugu baaqday Mas'uuliyiintii DKMG-ka ahayd inay soo celiyaan Gaadiidka Dowladda


Jimco, December 14, 2012 (HOL) — Golaha wasiirrada xukuumadda Soomaaliya ayaa ugu baaqay mas'uuliyiintii dowladdii KMG ahayd ee Soomaaliya inay soo celiyaan gadiidka ay dowladdu leedahay ee weli ku jira gacantooda, iyadoo wasiiraddu ay sidoo kale ansixiyeen heshiis ay dowladda Turkigu ku horumarinayso ciidamada Soomaaliya.


Wasiirka warfaafinta iyo isgaarsiinta xukuumadda Soomaaliya, Cabdullaahi Ciilmooge Xirsi ayaa sheegay in golaha wasiirrada shir ay shalay oo Khamiis ahayd yeesheen kaga doodeen sidii gacanta dowladda loogu soo celin lahaa gaadiid dowladda ee weli gacanta ugu jira mas'uuliyiintii dowladdii KMG ahayd.

“Cid walba oo si sharci-darro ah ku haysata gaadiidka dowladda waxaa la farayaa inay dib ugu soo celiyaan gacanta dowladda. Sababtoo ah gaadiidka Qaranka ayaa iska leh ee shaqsi ma lahan. Dhamaan dadka gaadiidka gacanta ku haya waxaa la hayaan magacyadooda iyo taagada gaadiidka weli gacantooda ku jira,” ayuu yiri wasiirka warfaafinta oo markii uu soo xirmay shirka wasiirrada la hadlay saxaafadda.

Sidoo kale, wasiirka wafaafinta wuxuu sheegay in golaha wasiirrada ay ka doodeen heshiis uu dhawaan wasiirka gaashaandhigga, Cabdixakiin Maxamuud Xaaji Faqi uu lasoo soo galay dalka Turkiga, kaasoo lagu dhisayo awoodda ciidamada Soomaaliya.

"Heshiiskan wuxuu dhigayaa in lacag dhan laba milyan oo doollarka Mareykanka ah ay ku bixinayso dowladda Turkigu dib u dhiska ciidanka qalabka sida ee dowladda Soomaaliya," ayuu yiri wasiirka oo hadalkiisa ku daray: "Golaha wasiirradu waxay si aqlabiyad ah ku ansixiyeen heshiiska, waxaana loo gudbinayaan golaha golaha baarlamaanka si ay iyaguna heshiiska u sharciyeeyaan."

Ugu dambeyn, wasiirka wafaafinta wuxuu sheegay in golaha wasiirrada ay sidoo kale ka doodeen sidii dowladda Soomaaliya ay ku heli lahayd hantidii ay dowladdii milateriga ahayd dhigtay bangiyada caalamka, taasoo ugu dambeyntiina loo saaray guddi ka kooban saddex xubnood oo uu hoggaaminayo wasiirka Maaliyadda iyo
Qorsheynta.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
12/14/2012 3:21 PM EST
Nairobi, Kenya (HOL) - Hey’adda NONDO ayaa maanta qabatay shir dadka curyaamada looga dalbanayo iney dhaq dhaqaaqyada siyaasadda ka qeyb qaataan.

12/14/2012 11:25 AM EST
Jimco, December 14, 2012 (HOL) — Wasiir ku xigeenka wasaaradda Maaliyadda iyo qorsheynta dowladda Soomaaliya Mudane Abuukar Xasan Cali oo kamid ahaa xubnihii wasiir ku-xigeennada ee shalay la magacaabay ayaa ku dhawaaqay in uu iska casilay xilkii uu jagada loo magacaabay.

12/14/2012 7:55 AM EST
Jimco, December 14, 2012 (HOL) — Xeryaha qoxootiga Dhadhaab ee dalka Kenya ayaa waxaa ka dhacay maanta qarax miino xilli halkaas dad haysta dhalashada dalka Kenya loogu qaybinayay kaararka looga qaybgalayo doorashada madaxnimo ee sannadka soo socda ka dhacaysa Kenya.

12/14/2012 7:08 AM EST
Jimco, December 14, 2012 (HOL) — Maxkamadda darajada koowaad ee ciidamada qalabka sida ee dowladda Soomaaliya ayaa shan qof oo mid ka mid ah lagu helay inuu xubin ka yahay Al-shabaab ku xukuntay min shan sano oo xabsi ciidan ah.

12/14/2012 6:41 AM EST
Jimco, December 14, 2012 (HOL) — Ururka suxufiyiinta Somaliland ee SOLJA, ayaa cambaareeyey xadhiga tifaftiraha wargeyska Waaheen oo shalay galinkii dambe loo taxaabay xarunta dambi baadhista ee magaladda Hargeysa.

12/14/2012 6:25 AM EST
Jimco, December 14, 2012 (HOL) — Ugu laba qof oo shacab ah ayaa ku dhintay 10- qof oo kalena way ku dhaawacmeen qarax ka dhashay gaari walaxaha qarxa laga soo buuxiyay oo ka dhacay agagaarka isgoyska shaqaalaha ee waddada Maka Al-Mukarama ee magaalada Muqdisho.

12/14/2012 6:24 AM EST
Jimco, December 14, 2012 (HOL) — In ka badan Konton Murashaxiintii ku hadhay Tartankii Doorashada Golaha Deegaanka ee Somaliland ee u tartamayey degmadda Hargeysa, ayaa si weyn u cambaareeyey Gudida Doorashooyinka Qaranka, iyagoo ku baaqay in la qanciyo oo codkoodii dib loo tiriyo si ay ugu samraan.