10/31/2020
Today from Hiiraan Online:  _
Wararka Maanta- Jimco, Dec 14, 2012
Qarxay ka dhacay Jidka Maka Al-Murakama ee Muqdisho oo geystay Khasaare Nafeed oo kala duwan (SAWIRRO)


Jimco, December 14, 2012 (HOL) — Ugu laba qof oo shacab ah ayaa ku dhintay 10- qof oo kalena way ku dhaawacmeen qarax ka dhashay gaari walaxaha qarxa laga soo buuxiyay oo ka dhacay agagaarka isgoyska shaqaalaha ee waddada Maka Al-Mukarama ee magaalada Muqdisho.

Saraakiisha booliiska iyo kuwa nabadsugidda dowladda Soomaaliya ayaa goobta uu qaraxu ka dhacay soo gaaray, waxaana labada qof shacabka ah uu midkood ahaa makaanik sameynayay gaari goobta qaraxu ka dhacay meel ku dhow yaallay halka midka kalena uu ahaa qof la socday baabuurta kuwa rakaabka qaada ah.

Afhayeenka booliiska Soomaaliya, Jen. C/llaahi Xasan Bariise oo wariyeyaasha kula hadlay goobta uu qaraxu ka dhacay ayaa sheegay inay arkeen maydka hal qof oo rayid ah oo saarnaa gaari kuwa dadweynaha qaada ah ah iyo dhaawacyada toddoba qof ee kale.

"Gaariga qaraxa sameeyay taargadiisu waxay ahayd AB 5143, waxaana billowday baaritaan lagu ogaanayo cidda iska leh," ayuu yiri Jen. Bariise oo mas'uuliyadda weerarka dusha ka saaray Al-shabaab, balse ma jirto cid sheegatay inay mas'uul ka tahay weerarkaas, iyadoo aan la ogeyn halka ay ka baxeen kooxihii baabuurka qarxay watay.

Sidoo kale, goobjoogayaal ay la hadashay HOL ayaa sheegay inay arkeen maydka laba qof oo shacab ah iyo dhaawaca fara badan, waxaana goobjoogayaasha qaarkood oo ku sungaa waddada ay sheegeen in gaariga qarxay uu goobta soo isgaartay wax-yar ka hor markii uu qarxay ayna filayaa inuu qof ku jiray gudaha gaariga, waxaana xilliga qaraxu uu dhacayay jidka marayay ciidammo ka tirsan AMISOM.

"Qaraxu wuxuu ahaa mid weyn, waxaan taagnaa xilliga uu dhacayay meel boqol tallaabo u jirta halka uu ka dhacay, waxaan maqlay jug weyn, waxaan markiiba arkay gaari uu qiif fara badan ka baxayo, laba qof ayaa dhimatay inta aan arkay," ayuu yiri Maxamed Cumar oo HOL la hadlay.

Dhismayaasha ku dhow goobta uu qaraxu ka dhacay ayaa burbur xooggan uu soo gaaray, inkastoo goobaha ganacsi ee halkaas ku yaalla ay maanta xirnaayeen maadaama ay ahayd maalin Jimco ah.





Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/14/2012 3:21 PM EST
Nairobi, Kenya (HOL) - Hey’adda NONDO ayaa maanta qabatay shir dadka curyaamada looga dalbanayo iney dhaq dhaqaaqyada siyaasadda ka qeyb qaataan.

12/14/2012 11:25 AM EST
Jimco, December 14, 2012 (HOL) — Wasiir ku xigeenka wasaaradda Maaliyadda iyo qorsheynta dowladda Soomaaliya Mudane Abuukar Xasan Cali oo kamid ahaa xubnihii wasiir ku-xigeennada ee shalay la magacaabay ayaa ku dhawaaqay in uu iska casilay xilkii uu jagada loo magacaabay.

12/14/2012 8:10 AM EST
Jimco, December 14, 2012 (HOL) — Golaha wasiirrada xukuumadda Soomaaliya ayaa ugu baaqay mas'uuliyiintii dowladdii KMG ahayd ee Soomaaliya inay soo celiyaan gadiidka ay dowladdu leedahay ee weli ku jira gacantooda, iyadoo wasiiraddu ay sidoo kale ansixiyeen heshiis ay dowladda Turkigu ku horumarinayso ciidamada Soomaaliya.

12/14/2012 7:55 AM EST
Jimco, December 14, 2012 (HOL) — Xeryaha qoxootiga Dhadhaab ee dalka Kenya ayaa waxaa ka dhacay maanta qarax miino xilli halkaas dad haysta dhalashada dalka Kenya loogu qaybinayay kaararka looga qaybgalayo doorashada madaxnimo ee sannadka soo socda ka dhacaysa Kenya.

12/14/2012 7:08 AM EST
Jimco, December 14, 2012 (HOL) — Maxkamadda darajada koowaad ee ciidamada qalabka sida ee dowladda Soomaaliya ayaa shan qof oo mid ka mid ah lagu helay inuu xubin ka yahay Al-shabaab ku xukuntay min shan sano oo xabsi ciidan ah.

12/14/2012 6:41 AM EST
Jimco, December 14, 2012 (HOL) — Ururka suxufiyiinta Somaliland ee SOLJA, ayaa cambaareeyey xadhiga tifaftiraha wargeyska Waaheen oo shalay galinkii dambe loo taxaabay xarunta dambi baadhista ee magaladda Hargeysa.

12/14/2012 6:24 AM EST
Jimco, December 14, 2012 (HOL) — In ka badan Konton Murashaxiintii ku hadhay Tartankii Doorashada Golaha Deegaanka ee Somaliland ee u tartamayey degmadda Hargeysa, ayaa si weyn u cambaareeyey Gudida Doorashooyinka Qaranka, iyagoo ku baaqay in la qanciyo oo codkoodii dib loo tiriyo si ay ugu samraan.